Astana Hub halyqaralyq IT-tehnoparkinde kriptovaliýtalardy óndirýmen ainalysatyn jobalar tirkelgen. Olar startap jasaýshylar atyn jamylyp, 8,5 milliard teńgege memlekettik preferentsiia alǵan. Bul týraly Esep komitetiniń memlekettik aýdit bóliminiń basshysy Aqylbai Ibraev aitty, - dep habarlaidy Tengrinews.kz.
"Aýdit barysynda Astana Hub halyqaralyq IT-tehnoparkiniń vedomstvolyq baǵynysty uiymynda kriptovaliýta óndirýmen ainalysatyn jobalar tirkelgenin anyqtadyq. Maining bul tehnoparktiń negizgi maqsaty men mindetine jatpaidy. 2021 jyldyń úsh toqsanynda olarǵa 8,5 milliard teńge salyq jeńildikteri berildi. Negizi olarǵa berilmeýi kerek edi. Bes kompaniia. Tek bireýi maining retinde tirkelgen, qalǵany startap retinde jumys istegen", - dedi Ibraev.
Onyń aitýynsha, bul kompaniialar Astana Hub-ta tirkelgen, biraq olardyń naqty ornalasqan jeri belgisiz. Alaida olardyń qyzmeti zańdy bolyp shyqqan.
"Búginde zańnama shekteý qoimaidy jáne osyny paidalanyp, osylai boldy. Buny Tsifrlyq damý ministrligi tarapynan baqylaýdyń joqtyǵy dei alamyz", - dedi Ibraev.
