Astana Hub حالىقارالىق IT-تەحنوپاركٸندە كريپتوۆاليۋتالاردى ٶندٸرۋمەن اينالىساتىن جوبالار تٸركەلگەن. ولار ستارتاپ جاساۋشىلار اتىن جامىلىپ, 8,5 ميلليارد تەڭگەگە مەملەكەتتٸك پرەفەرەنتسييا العان. بۇل تۋرالى ەسەپ كوميتەتٸنٸڭ مەملەكەتتٸك اۋديت بٶلٸمٸنٸڭ باسشىسى اقىلباي يبراەۆ ايتتى, - دەپ حابارلايدى Tengrinews.kz.
"اۋديت بارىسىندا Astana Hub حالىقارالىق IT-تەحنوپاركٸنٸڭ ۆەدومستۆولىق باعىنىستى ۇيىمىندا كريپتوۆاليۋتا ٶندٸرۋمەن اينالىساتىن جوبالار تٸركەلگەنٸن انىقتادىق. ماينينگ بۇل تەحنوپاركتٸڭ نەگٸزگٸ ماقساتى مەن مٸندەتٸنە جاتپايدى. 2021 جىلدىڭ ٷش توقسانىندا ولارعا 8,5 ميلليارد تەڭگە سالىق جەڭٸلدٸكتەرٸ بەرٸلدٸ. نەگٸزٸ ولارعا بەرٸلمەۋٸ كەرەك ەدٸ. بەس كومپانييا. تەك بٸرەۋٸ ماينينگ رەتٸندە تٸركەلگەن, قالعانى ستارتاپ رەتٸندە جۇمىس ٸستەگەن", - دەدٸ يبراەۆ.
ونىڭ ايتۋىنشا, بۇل كومپانييالار Astana Hub-تا تٸركەلگەن, بٸراق ولاردىڭ ناقتى ورنالاسقان جەرٸ بەلگٸسٸز. الايدا ولاردىڭ قىزمەتٸ زاڭدى بولىپ شىققان.
"بٷگٸندە زاڭناما شەكتەۋ قويمايدى جەنە وسىنى پايدالانىپ, وسىلاي بولدى. بۇنى تسيفرلىق دامۋ مينيسترلٸگٸ تاراپىنان باقىلاۋدىڭ جوقتىعى دەي الامىز", - دەدٸ يبراەۆ.
