Astana Hub IT-startaptar halyqaralyq tehnoparki «Startap Sapary» atty baǵdarlamasymen IT salasyndaǵy ideiasy bar barlyq jas kásipkerler úshin «Startap Mektebi» kýrsyn usyný úshin Qazaqstannyń 17 oblys ortalyqtaryna barýdy josparlap otyr.
Startap Mektebi - bul startap-jobalardy damytý týraly bilim alǵysy keletin jańadan bastaýshylar men qazirgi kásipkerler úshin arnalǵan tegin kýrs. Kýrsqa qatysýshylar eń qysqa merzim ishinde Astana Hub tehnoparki mamandarynan biznes-ideialar qurý týraly teoriialyq bilim alady.
Startap Mektebiniń mindeti - Qazaqstannyń talantty jáne tabysty kásipkerlerin tartý, startaptyń klassikalyq biznesten qalai erekshelenetinin, sonymen qatar startap-jobalardyń artyqshylyqtaryn aitý. Kýrsqa qatysýshylar naryqtyq taldaý ádisterin qoldaný, startapty monetizatsiialaýdyń biznes-modelderin tańdaý jáne taldaý, startap jobasyn durys tanystyrý úshin investorlarmen sóilesý tásilderin úirenedi.
Startap Mektebindegi oqý aqysyz, ol bir kúnge sozylady jáne kýrs sońynda qatysýshylarǵa oqý týraly kýálik beriledi.
«Biz eldegi tehnologiialyq startaptardy damytý boiynsha qoldaý sharalary boiynsha belsendi jumys istep jatyrmyz. Tehnoparkte akseleratsiia, inkýbatsiia siiaqty startaptardy damytýdyń aqysyz baǵdarlamalary bar. Olar boiynsha oqytý tegin. Sondai-aq, jaqynda biz óńirler úshin onlain oqytý ótkizdik. Jyl ishinde startaptardyń jumys nátijesi-17 milliard teńgeden astam somaǵa óz jobalaryn damytýǵa investitsiia tartý jáne 1000-nan astam jumys oryndaryn qurý. Búgin bizdiń sarapshylar komandasy óz bilimderimen bólisýge jáne óz tájiribelerin elimizdiń óńirlerine taratýǵa daiyn. Startup Sapary baǵdarlamasynyń qorytyndysy boiynsha biz ár óńir úshin jeke IT-kásipkerlikti damytý josparyn ázirleýdi josparlap otyrmyz», Astana Hub IT-startaptar halyqaralyq tehnoparkiniń basqarýshy direktory Marlen Sihaev habarlady.
Astana Hub baspasóz qyzmetiniń málimetinshe, bir ai ishinde Astana Hub komandasy eldiń 17 óńirine barady. Sapar kestesi Tehnoparktiń saitynda qoljetimdi. Startup Sapary baǵdarlamasy Petropavlda, Atyraý men Qyzylordada, Túrkistan, Oral men Aqtaýda tanystyryldy. Tehnopark komandasy Qaraǵandy, Kókshetaý, Taraz, Óskemen, Pavlodar jáne Taldyqorǵan qalalaryna jol tartpaq.
Bolashaqta Astana Hub tehnoparki Qazaqstanda IT-kásipkerlikti damytý men birlesken jobalardy qurý úshin óńirlerdiń tehnoparkterimen tyǵyz yntymaqtastyqty josparlap otyr. Sapar qorytyndysy boiynsha Astana Hub tehnoparkiniń oqytý baǵdarlamalary men ádisnamasyn qamtityn ár óńirdi damytý boiynsha jeke yntymaqtastyq josparyn ázirleý josparlanýda.
