12 jyl buryn sap-saý dúniege kelgen Raiymbek Mergenbaev 9 ailyǵynda dárigerlerdiń salǵyrt jasaǵan ekpesinen tserebraldy sal aýrýyna (TsSA) shaldyǵyp, múgedekter arbasyna tańylǵan.
Raiymbektiń ákesi balasynyń aty jaman aýrýǵa shaldyqqanyn estigen soń tastap ketken. Raiymbektiń anasy Raia Mergenbaeva búldirshinniń búgingi tańdaǵy jalǵyz janashyry. Raia Mergenbaeva ekinshi toptaǵy múgedek. Memleket tarapynan Mergenbaevtar otbasyna jii kómek kórsetilip, zeinetaqy ýaqytyly tólenip turǵanymen, ol qarajat balanyń emine jetkiliksiz. Odan bólek, kómekke zárý otbasynyń baspanalary da joq. Qazirgi tańda týystarynyń shańyraǵyn panalaýǵa májbúr.
Osydan bir jyl buryn «Evraziia 1» arnasy kishkentai Raiymbek pen jalǵyz basty ananyń taǵdyry jaily arnaiy beinesiýjet jasap, halyqtyń nazaryn aýdarǵan bolatyn. Raiymbektiń anasynyń aitýy boiynsha qaiyrymdy jandar tarapynan azyq-túlik, kiim-keshek t.b. kóptegen materialdyq kómek kórsetilgen. Alaida Raiymbek qazirgi aýrýynan aman-esen jazylýy úshin shet memlekette em qabyldaýy kerek. Ol úshin úlken kólemde qarajat qajet.
«Astana» fýtbol klýbynyń ujymy Raiymbektiń Qytai elinde tselebraldy sal aýrýyn emdeitin arnaiy ortalyqta jasalatyn em-domy úshin qarajat jinap berdi. Odan bólek, elordalyq komandanyń ókilderi Raiymbekke óz esimi jazylǵan komanda jeidesin syiǵa tartyp, aldaǵy maýsymdaǵy «Astana Arena» stadionynda ótetin Qazaqstan chempionatynyń oiyndaryna shaqyrdy.
Esterińizge sala keteiik, «Astana» komandasy múmkindigi shekteýli jandarǵa stadionnan arnaiy oryn bólip, oiyndy barynsha qolaily jaǵdaida tamashalaýǵa múmkindik jasaǵan bolatyn.
"Ult aqparat"
