12 جىل بۇرىن ساپ-ساۋ دٷنيەگە كەلگەن رايىمبەك مەرگەنباەۆ 9 ايلىعىندا دەرٸگەرلەردٸڭ سالعىرت جاساعان ەكپەسٸنەن تسەرەبرالدى سال اۋرۋىنا (تسسا) شالدىعىپ, مٷگەدەكتەر ارباسىنا تاڭىلعان.
رايىمبەكتٸڭ ەكەسٸ بالاسىنىڭ اتى جامان اۋرۋعا شالدىققانىن ەستٸگەن سوڭ تاستاپ كەتكەن. رايىمبەكتٸڭ اناسى رايا مەرگەنباەۆا بٷلدٸرشٸننٸڭ بٷگٸنگٸ تاڭداعى جالعىز جاناشىرى. رايا مەرگەنباەۆا ەكٸنشٸ توپتاعى مٷگەدەك. مەملەكەت تاراپىنان مەرگەنباەۆتار وتباسىنا جيٸ كٶمەك كٶرسەتٸلٸپ, زەينەتاقى ۋاقىتىلى تٶلەنٸپ تۇرعانىمەن, ول قاراجات بالانىڭ ەمٸنە جەتكٸلٸكسٸز. ودان بٶلەك, كٶمەككە زەرۋ وتباسىنىڭ باسپانالارى دا جوق. قازٸرگٸ تاڭدا تۋىستارىنىڭ شاڭىراعىن پانالاۋعا مەجبٷر.
وسىدان بٸر جىل بۇرىن «ەۆرازييا 1» ارناسى كٸشكەنتاي رايىمبەك پەن جالعىز باستى انانىڭ تاعدىرى جايلى ارنايى بەينەسيۋجەت جاساپ, حالىقتىڭ نازارىن اۋدارعان بولاتىن. رايىمبەكتٸڭ اناسىنىڭ ايتۋى بويىنشا قايىرىمدى جاندار تاراپىنان ازىق-تٷلٸك, كيٸم-كەشەك ت.ب. كٶپتەگەن ماتەريالدىق كٶمەك كٶرسەتٸلگەن. الايدا رايىمبەك قازٸرگٸ اۋرۋىنان امان-ەسەن جازىلۋى ٷشٸن شەت مەملەكەتتە ەم قابىلداۋى كەرەك. ول ٷشٸن ٷلكەن كٶلەمدە قاراجات قاجەت.
«استانا» فۋتبول كلۋبىنىڭ ۇجىمى رايىمبەكتٸڭ قىتاي ەلٸندە تسەلەبرالدى سال اۋرۋىن ەمدەيتٸن ارنايى ورتالىقتا جاسالاتىن ەم-دومى ٷشٸن قاراجات جيناپ بەردٸ. ودان بٶلەك, ەلوردالىق كوماندانىڭ ٶكٸلدەرٸ رايىمبەككە ٶز ەسٸمٸ جازىلعان كوماندا جەيدەسٸن سىيعا تارتىپ, الداعى ماۋسىمداعى «استانا ارەنا» ستاديونىندا ٶتەتٸن قازاقستان چەمپيوناتىنىڭ ويىندارىنا شاقىردى.
ەستەرٸڭٸزگە سالا كەتەيٸك, «استانا» كومانداسى مٷمكٸندٸگٸ شەكتەۋلٸ جاندارعا ستاديوننان ارنايى ورىن بٶلٸپ, ويىندى بارىنشا قولايلى جاعدايدا تاماشالاۋعا مٷمكٸندٸك جاساعان بولاتىن.
"ۇلت اقپارات"
