Foto: informburo.kz
«Astana EKSPO-2017» Ulttyq kompaniiasy 7 jyl buryn Memleket basshysynyń tikelei tapsyrmasymen qurylǵan elordalyq Oqýshylar saraiynyń kezekti mereitoiyna orai «Bolashaq energiiasy» atty kórmesin syiǵa usyndy.
Ekspozitsiia zamanaýi «jasyl» tehnologiialardyń úlgileri men balamaly energiia kózderi salasyndaǵy innovatsiialyq jetistikterdi, iaǵni biregei eksponattardy jas urpaqqa kórsetý arqyly, zamanaýi ekologiialyq taza tehnologiialardy álemge tanystyryp, ónertabysqa degen qyzyǵýshylyqty arttyryp, balalardy jańa jetistikterge jetýge jetelei túspek.
Bas qaladaǵy Oqýshylar saraiy búginde jai ǵana biregei ortalyq emes, sonymen qatar el Astanasy jastaryna bilim berý ordasy sanalady. Jas óskinder men olardyń ata-analaryna keń kólemdegi bilim berý jobalaryn, túrli sektsiialar jáne úiirmeler de usynady.
Sondai-aq, oqýshylarǵa 3D-tehnologiialardy paidalanatyn panoramalyq sferalyq jáne planetalyq proektsiialary bar planetarii, «Meniń mamandyǵym» virtýaldy zerthanasy, 500 oryndyq drama teatry, qysqy baq jáne taǵy basqa da qyzyqty oryndar qyzmet etedi.
Endi «Astana EKSPO-2017» Ulttyq kompaniiasynyń syilyǵy arqasynda Astana Oqýshylar saraiy taǵy bir jarqyn nysanmen tolyqty. Bul biregei ekspozitsiia balalardyń qyzyǵýshylyǵyn oiatýǵa jáne jańartylatyn energiia kózderi men osy saladaǵy ǵalymdardyń qazirgi zamanǵy zertteýleri týraly tyń aqparattar alýyna múmkindik beredi.
Oqýshylar saraiynyń direktory Erbol Islamuly Irgebai «Astana EKSPO-2017» Ulttyq kompaniiasynyń basshylyǵyna alǵys-rizashylyǵyn bildirdi. «Bul shynynda da biz úshin erekshe jańalyq. «Astana EKSPO-2017» kompaniiasynyń biz úshin jasaǵan erekshe syiy balalardyń oiórisin keńeitip, jan-jaqty damýyna septigin tigizedi. Eń mańyzdysy, bolashaq urpaqtyń ǵylymi-tehnikalyq shyǵarmashylyǵynyń damýyna jaǵdai jasap, olardy ǵylymmen, tehnologiiamen jáne qazirgi zamanǵy «jasyl» tehnologiialarmen tanystyrýǵa múmkindik beredi», - deidi E.Irgebai.
Oqýshylar sarainyń toptamasyn tolyqtyrǵan «Balamaly tehnologiia» stendi alty eksponattan turady. Olardyń árbiri adamzattyń qorshaǵan álemge degen kózqarasyn túbegeili ózgertýge jáne ony kútip-ustaýǵa, qamqorlyq kórsetýge aýqymdy múmkindik syilaidy.
Foto: informburo.kz
Mysal retinde «Kún generatory miniatiýrasy» eksponatyn alýǵa bolady. Bul – Kún energiiasy arqyly ǵana elektr qýatyn alýǵa kómektesetin energetikalyq qondyrǵy. Mundai texnologiia ortalyqtandyrylǵan energojelilerden alshaq ornalasqan aýyldar, aýdandar, taýly aimaqtar men Kún sáýlesine bai jerlerde qoldanylady. Taǵy bir mysal - eshqandai otynsyz, iaki elektr qýatynsyz, tek Kún energiiasy arqyly jumys jasaityn «únemshil» nemese «kún peshi» (solar cooker). Shýaqty kúni onymen taǵam daiyndap, as ázirleýge bolady. Ol qorshaǵan ortany lastamaidy hám ekologiiaǵa keltiretin ózge de zardaby joq.
Sonymen qatar, «piko gidrogenerator» (Pico-Hydro) eksponaty bar. Bul da, óz kezeginde, ekologiiaǵa tigizer ziiany joq, belgili bir úi-jaidy, shaǵyn aýmaqty jaryqtandyrýǵa, bolmasa radiotaratqyshty qosýǵa qýaty jetetin gidrogenerator.
Foto: informburo.kz
Al, «Bio-sistematizator» eksponaty – bul «tabystan tabysqa» ideiasynyń aiqyn dá sátti kórinisi. Bul qurylǵyda janýarlardyń tabiǵi qaldyǵy biogazǵa ainalyp, nátijesinde órtengen qaldyqtan elektr qýaty paida bolady. Odan bólek, sýsyndar men ózge de suiyq dúnielerdi energiia kózderine qosylmai-aq sýyq kúiinde saqtaityn siqyrly «muzdatqysh qumyra» bar. Al, «Jaryq litri» jobasy – 5 jyl boiy qýattamai qoldanýǵa bolatyn, quny 1 dollarlyq balamaly tehnologiia.
Degenmen, «bolashaq kólikteriniń» qorshaǵan ortaǵa paidasy, tabiǵatqa keri áseriniń azdyǵy týraly jáne jasyl álemge jasalǵan jańa qadamnyń nyshany haqyndaǵy beinekórinister oqýshylardyń júrgizýshisiz hám sýtekti avtokólikterge degen qyzyǵýshylyǵyn arttyra túspek.
Asyly, osy kórmeniń kishkentai qonaqtarynyń arasynan álemge jáne elimizge tyń innovatsiialyq sheshimder usynyp, turmys jaǵdaiyn odan ári jaqsarta túser jarqyn dúnieler oilap tabatyn elimizdiń bolashaq ǵalymdary men daryndary shyǵýy bek múmkin.
