QR Úkimetiniń №955 qaýlysymen «Astana EKSPO-2017» ulttyq kompaniiasy» aktsionerlik qoǵamynyń ataýy «QazExpoCongress» ulttyq kompaniiasy» aktsionerlik qoǵamy bolyp ózgerdi, dep habarlaidy "Ult aqparat".
«QazExpoCongress» ulttyq kompaniiasy» aktsionerlik qoǵamy aktsiialarynyń 100 paiyz mólsherindegi memlekettik paketine ielik etý jáne paidalaný quqyǵy QR Saýda jáne integratsiia ministrligine ótedi.
«QazExpoCongresske» mańyzdy memlekettik jáne kvazimemlekettik halyqaralyq saýda-ekonomikalyq is-sharalaryn júrgizý boiynsha «Biryńǵai operatordyń» ókilettigi beriletin bolady. Quzyretterdiń shoǵyrlanýy standarttar men tásilderdi (biryńǵai tujyrymdama, firmalyq stil men ulttyq naqyshty) birizdendirý, biryńǵai institýttsionaldyq jadynamany qurý arqyly qazaqstandyq is-sharalardy uiymdastyrý deńgeiin arttyrýǵa múmkindik beredi. Biryńǵai operatordyń «tolyq daiyn» is-sharalardy uiymdastyrýy tek qana Qazaqstannyń saýda-ekonomikalyq múddelerin qorǵaýǵa jáne bastamalaryn ilgeriletýge memlekettik organdardy «qaita baǵdarlaýǵa» áserin tigizedi», - delingen ministrlik habarlamasynda.
