Foto: «Jolaýshylar tasymaly» AQ baspasóz qyzmeti
Ulttyq tasymaldaýshy Astana – Býrabai baǵdary boiynsha «Burabay Express» jańa elektrpoiyzyn iske qosty. Bul týraly «Jolaýshylar tasymaly» AQ baspasóz qyzmeti málim etti.
– «Jolaýshylar tasymaly» AQ jolaýshylarǵa Astana-Býrabai kýrorty baǵdary boiynsha №888/887 «Burabay Express» Comfort+ jańa býyn elektrpoiyzyn usynyp otyr, – delingen habarlamada.
Poiyz alty vagonnan turady jáne 374 orynǵa arnalǵan. Ol barlyq qajetti tehnikalyq tekserýlerden ótken. Qazirgi ýaqytta Keden odaǵynyń tehnikalyq reglamentiniń talaptaryna sáikes qujattamany resimdeý aiaqtalady.
Tasymaldaýshy kompaniianyń dereginshe, poiyz dizainynda qol jetimdilik pen inkliýzivtilik máselelerine erekshe nazar aýdarylǵan. Ár klasta biodárethanalar, sonyń ishinde múmkindigi shekteýli jolaýshylarǵa arnalǵan arnaiy beiindelgen kabinalar qarastyrylǵan. Múmkindigi shekteýli jandarǵa yńǵaily bolý úshin platformalyq kótergishter qarastyrylǵan.
— Avtomatty shyǵarylatyn aiaq tirekteri, ásirese egde jastaǵy jolaýshylar men balalary bar otbasylar úshin yńǵaily otyrǵyzý men túsirýdi qamtamasyz etedi. Poiyzdaǵy árbir oryn mobildi qurylǵylardy zariadtaýǵa arnalǵan USB qosqyshymen jabdyqtalǵan. Sonymen qatar, quramda salqyn sýsyndar men jeńil taǵamdar qarastyrylǵan, — dep jazdy ulttyq tasymaldaýshy kompaniiadan.
Eske sala keteiik, buǵan deiin jazǵy maýsymda 11 baǵyt boiynsha qosymsha poiyz qatynaitynyn jazǵan edik.
