29 maýsym kúni Qazaqstan Respýblikasynyń astanasy - Astana qalasynyń 20 jyldyǵyn merekeleý qarsańynda Din isteri komitetiniń tóraǵasy Erkin Ońǵarbaevtyń tóraǵalyǵymen dini birlestikter ókilderi Jiynynyń «Astana - beibitshilik pen kelisimniń rýhani ortalyǵy» taqyrybynda kezdesýi ótti.
Is-sharaǵa Qazaqstan Respýblikasy dini birlestikteriniń jetekshileri men ókilderi, Qazaqstan Respýblikasy DIAQM Din isteri komiteti, Qazaqstan Respýblikasy Ulttyq muraǵaty jáne Mádenietter men dinderdiń halyqaralyq ortalyǵy qatysty.
Din isteri komiteti tóraǵasy E.A.Ońǵarbaev: «6 shilde Elorda kúni - Qazaqstan Respýblikasynyń memlekettik merekesi. Biyl Astananyń elorda mártebesin alǵanyna 20 jyl tolyp otyr. Bul mereke áleýmettik-saiasi mańyzǵa ie jáne shyn máninde Qazaqstan halqy úshin jalpyhalyqtyq bolyp tabylady. Elbasy N.Á. Nazarbaevtyń júrgizip otyrǵan syrtqy saiasatymen turaqty qamqorlyǵy arqasynda Astana - Qazaqstannyń memlekettiliginiń jáne jas memlekettiń Táýelsizdik shejiresi bóliminiń eń jarqyn basty simvoly, zamanaýi brendine ainaldy», dep elordanyń jetistikteriniń mańyzdylyǵy týraly baiandady.
«Nur Astana» ortalyq meshitiniń bas imamy Asqar Muqanov óz sózinde: «Qazaqstandaǵy beibitshilik pen kelisimdi qamtamasyz etý tájiribesi, sondai-aq bizdiń elimizdiń jáne onyń Prezidentiniń halyqaralyq bedeli Astanada mádenietter men álemdik dinder dialogyn uiymdastyrýǵa múmkindik berdi. Astana - beibitshilik pen kelisimniń toǵysqan jeri jáne beibit kelissózder men álemdik dinder dialogy alańy», - dep málimdedi.
Astana kieli okrýginiń ókili Dmitrii Baidek Qazaqstan halqyn quttyqtai otyryp, «Astana – dinaralyq dialog mekeni. Biyl kúzde Álemdik jáne dástúrli dinder jetekshileri Astananyń rýhani sammitinde altynshy ret kezdespek. Qazaqstan halqy búkil álemge óziniń birligi, toleranttylyǵy, dini tózimdiligin kórsetti. Astana jarqyn bolashaqqa naqty qadam jasady. Bul qala elimizdi jańa jetistikterge shabyttandyryp, judyryqtai biriktirip, ilgeri bastaýda», - dep jyly lebizin bildirdi.
Qazaqstan dini birlestikteriniń ókilderi Astananyń halyqaralyq dialog alańy retinde erekshe mańyzǵa ik bolǵanyn atap ótti.
Kezdesý qorytyndysy boiynsha dini birlestikt ókilderi Qazaqstan halqyn Astana kúnimen quttyqtap, ystyq yqylastaryn bildirdi.
.jpeg)