Foto: Tengrinews.kz
Qazaqstandyqtar "7-20-25" baǵdarlamasy boiynsha jańa ótinimderdi qabyldaý bastalýyna bailanysty ekinshi deńgeili bankter aldynda kezekke jinalyp jatyr, - dep habarlaidy Tengrinews.kz.
Astanada jurt aiazǵa qaramastan tańnan beri "Bank TsentrKredit" filialynyń aldynda kezekte tur. Munda túnde kelip, banktiń ashylýyn kútip turǵan adam bar ekeni belgili boldy.
"Búgin "7-20-25" boiynsha ótinishterdi qabyldai bastady. Bizge túnde bank menedjeri qońyraý shaldy, óitkeni onymen bailanystamyz, ipoteka alǵymyz keledi. Az aqsha bóldi, túske deiin taýsylatyny aityldy. Tańǵy toǵyzda Qabanbai batyr dańǵyly boiyndaǵy bank bólimshesi mańynda 60-qa jýyq adam kezekke turdy", - deidi Astana qalasynyń turǵyny Mádina Ospan.
Foto: Tengrinews.kz
Dál osyndai jaǵdai Astananyń basqa aýdandarynda da baiqalady. Jurt tańerteń erte bank bólimshelerine kelgen.
"Meniń aldymda 58 adam tur. Úlgermeitin shyǵarmyz dedi. Men 08:40-ta keldim, bireýler túnde kelgen. Qazaqstan boiynsha nebári 200 ótinish qabyldanady. Al talondar berildi. Osy bólimniń direktory ma álde bastyǵy ma shyǵyp, talonsyz qabyldamaimyz dedi", - dedi kelýshilerdiń biri.
"Bank TsentrKredit" AQ baspasóz qyzmeti 10 aqpanda bank baǵdarlama operatory bólgen limit aiasynda "7-20-25" baǵdarlamasy boiynsha ótinimderdi qabyldaýdy bastaǵanyn habarlady. Resmi derekterge sáikes, barlyq maquldanǵan ótinimder boiynsha nesieler múmkindiginshe qysqa merzimde beriledi.
"Bólingen limit taýsylǵannan keiin bank ótinimderdi qabyldaýdy toqtatýǵa májbúr, óitkeni bul baǵdarlama boiynsha belgilengen limitten asatyn ótinimderdi qabyldaýǵa quqyǵy joq.
"7-20-25" baǵdarlamasyna qatysýshy bankterdiń kópshiligi ótinish qabyldaýdy qaita bastamaǵandyqtan, "TsentrKredit Bankiniń", negizinen, Astana qalasyndaǵy bólimshelerinde kezekterdi baiqap otyrmyz", - dedi banktiń baspasóz qyzmeti ókilderi.
