فوتو: Tengrinews.kz
قازاقستاندىقتار "7-20-25" باعدارلاماسى بويىنشا جاڭا ٶتٸنٸمدەردٸ قابىلداۋ باستالۋىنا بايلانىستى ەكٸنشٸ دەڭگەيلٸ بانكتەر الدىندا كەزەككە جينالىپ جاتىر, - دەپ حابارلايدى Tengrinews.kz.
استانادا جۇرت ايازعا قاراماستان تاڭنان بەرٸ "بانك تسەنتركرەديت" فيليالىنىڭ الدىندا كەزەكتە تۇر. مۇندا تٷندە كەلٸپ, بانكتٸڭ اشىلۋىن كٷتٸپ تۇرعان ادام بار ەكەنٸ بەلگٸلٸ بولدى.
"بٷگٸن "7-20-25" بويىنشا ٶتٸنٸشتەردٸ قابىلداي باستادى. بٸزگە تٷندە بانك مەنەدجەرٸ قوڭىراۋ شالدى, ٶيتكەنٸ ونىمەن بايلانىستامىز, يپوتەكا العىمىز كەلەدٸ. از اقشا بٶلدٸ, تٷسكە دەيٸن تاۋسىلاتىنى ايتىلدى. تاڭعى توعىزدا قابانباي باتىر داڭعىلى بويىنداعى بانك بٶلٸمشەسٸ ماڭىندا 60-قا جۋىق ادام كەزەككە تۇردى", - دەيدٸ استانا قالاسىنىڭ تۇرعىنى مەدينا وسپان.
فوتو: Tengrinews.kz
دەل وسىنداي جاعداي استانانىڭ باسقا اۋداندارىندا دا بايقالادى. جۇرت تاڭەرتەڭ ەرتە بانك بٶلٸمشەلەرٸنە كەلگەن.
"مەنٸڭ الدىمدا 58 ادام تۇر. ٷلگەرمەيتٸن شىعارمىز دەدٸ. مەن 08:40-تا كەلدٸم, بٸرەۋلەر تٷندە كەلگەن. قازاقستان بويىنشا نەبەرٸ 200 ٶتٸنٸش قابىلدانادى. ال تالوندار بەرٸلدٸ. وسى بٶلٸمنٸڭ ديرەكتورى ما ەلدە باستىعى ما شىعىپ, تالونسىز قابىلدامايمىز دەدٸ", - دەدٸ كەلۋشٸلەردٸڭ بٸرٸ.
"بانك تسەنتركرەديت" اق باسپاسٶز قىزمەتٸ 10 اقپاندا بانك باعدارلاما وپەراتورى بٶلگەن ليميت اياسىندا "7-20-25" باعدارلاماسى بويىنشا ٶتٸنٸمدەردٸ قابىلداۋدى باستاعانىن حابارلادى. رەسمي دەرەكتەرگە سەيكەس, بارلىق ماقۇلدانعان ٶتٸنٸمدەر بويىنشا نەسيەلەر مٷمكٸندٸگٸنشە قىسقا مەرزٸمدە بەرٸلەدٸ.
"بٶلٸنگەن ليميت تاۋسىلعاننان كەيٸن بانك ٶتٸنٸمدەردٸ قابىلداۋدى توقتاتۋعا مەجبٷر, ٶيتكەنٸ بۇل باعدارلاما بويىنشا بەلگٸلەنگەن ليميتتەن اساتىن ٶتٸنٸمدەردٸ قابىلداۋعا قۇقىعى جوق.
"7-20-25" باعدارلاماسىنا قاتىسۋشى بانكتەردٸڭ كٶپشٸلٸگٸ ٶتٸنٸش قابىلداۋدى قايتا باستاماعاندىقتان, "تسەنتركرەديت بانكٸنٸڭ", نەگٸزٸنەن, استانا قالاسىنداعى بٶلٸمشەلەرٸندە كەزەكتەردٸ بايقاپ وتىرمىز", - دەدٸ بانكتٸڭ باسپاسٶز قىزمەتٸ ٶكٸلدەرٸ.
