Foto: QR MAM
3–4 mamyr kúnderi Astana Ballet teatrynyń sahnasynda Qazaq ulttyq horeografiia akademiiasynyń dástúrli esep berý kontserti ótti. Bul mańyzdy óner keshi — jas bishiler úshin bir jyl boiǵy tynymsyz eńbektiń, izdenis pen kásibi damýdyń nátijesin kórsetýge arnalǵan jaýapty sát boldy, dep habarlaidy Ult.kz.
Kesh barysynda Akademiianyń talantty tárbielenýshileri álemdik balet óneriniń jaýharlarynan úzindiler oryndap, ózderiniń joǵary kásibi deńgeiin pash etti. Jas ártister sahnada sheberlikpen óner kórsetip, kórermenderdiń ystyq yqylasyna bólendi.
Kontsert baǵdarlamasyna Petr Chaikovskiidiń «Uiqydaǵy arý» baletinen pa-de-de, Liýdvig Minkýstyń «Don Kihot» baletinen gran pa, Tsezar Pýnidiń «Konek-Gorbýnok» baletinen kórinis, Aram Hachatýriannyń «Gaiane» baletinen úzindi, Leo Delibtiń «Koppeliia» baletinen variatsiialar, A. Adannyń «Korsar» baletinen pa-de-trýa, «Jizel» baletinen variatsiia jáne Farid Iarýllinniń «Shýrale» baletinen tatar bii endi.
Sonymen qatar, halyq mýzykasy negizinde qoiylǵan «Aqbaian»jáne Nurǵisa Tilendievtiń kúii «Aqqýlar» negizinde sahnalanǵan biler keshtiń ulttyq reńkin arttyra tústi.
Klassikalyq balet úlgilerimen qatar, sahnada zamanaýi jáne ulttyq horeografiia da óz ornyn tapqan bul kesh — kórermenge ónerdiń biik rýhyn sezdirip qana qoimai, jas bishilerdiń shyǵarmashylyq izdenisi men kásibi daiyndyq deńgeiiniń joǵary ekenin dáleldedi. Kontsertke óner súier qaýym kóptep jinaldy. Olardyń qatarynda elimizdiń mádeniet qairatkerlerimen birge sheteldik meimandar da boldy.
