Jaqynda Álisher Naýai atyndaǵy Ózbekstannyń Úlken teatrynda «Astana Balet» teatry aýqymdy kontsert ótkizip, kórermenniń qurmet-qoshemetine bólenip qaitty. Áigili bale Arif Melikovtiń «Mahabbat jaily ańyzy» Tashkent halqyn erekshe tamsandyryp, teatr ujymy zalǵa lyq tolǵan halyqtyń alǵysyn arqalap keldi, dep habarlaidy "Ult aqparat".
«Astana Balet» teatry eýropalyq, kerek deseńiz álemdik deńgeige ótip ketken. Búgin biz naǵyz balet qoiylymyn tamashaladyq. Birinshi kezekte meni kordebalet tań qaldyrdy. Onda barlyǵy da - ósim men energetika keremet úilesken. Men Maiia Plisetskaia bilegen Mehmene Monany eske alamyn. Sizderdiń ártisterińiz óte joǵary deńgeide óner kórsetedi dep esepteimin», – dedi mýzykatanýshy, Ózbekstannyń eńbek sińirgen mádeniet qyzmetkeri Innessa Gúlzarova.
«Mahabbat týraly ańyz» - áigili horeograf Iýrii Grigorovichtiń alǵashqy spektaklderiniń biri. Bul qoiylymda balet ónerin buryn-sońdy bolmaǵan biiktikke kótergen tórt minsiz komponent bar. Libretto negizinde dramatýrg Nazym Hikmettiń filosofiialyq pesasy jatyr. Al, erek stsenografiiany Simon Virsaladze jazyp shyqqan.
Al Tashkent memlekettik joǵary ulttyq bi men horeografiia mektebiniń rektory Shýhrat Týhtasimovtyń aitýynsha, kez kelgen balettik trýppa mundai spektakldy baǵyndyra bermeitinin aitady.
«Búgin «Astana Balet» teatrynda óner kórsetetin ártisterdiń keremet qadamyn kórip otyrmyz. Trýppa 100 paiyz horeografiiamen ainalysady. Óitkeni ol Qazaqstannan keledi, spektakldiń Shyǵysqa tán boiaýyn bere alady», - deidi ol.
Siýjet kóne shyǵys ańyzynan alynǵan. Apaly-sińlili Mehmene Baný men Shyryn Ferhad atty bir sýretshige ǵashyq bolyp qalady. Shyryn ádemi jigittiń júregin birden jaýlap alady da, Mehmene Baný sezim sergeldeńine túsedi: sebebi, bir kezderi ol ápkesiniń ómirin qutqarý úshin óziniń sulýlyǵyn qurban etken-tin. Ǵashyqtar saraiynan qashyp ketkenderdi aýyr synaq kútip tur edi. Alaida Ferhad halyqty qutqarý úshin óziniń mahabbatyn qurban etedi.
Iýrii Grigorovichtiń horeografiiasynda oidyń keremet kúshi, boiaýlardyń kóp qabattylyǵymen ushtasqan tildiń bir maǵynaly aishyǵy bar. Spektakl kórermendi bir demde ózine tartyp alyp, kópshilik ártisterdiń ár qimylyna kóńil bólip otyrdy.
«Astana Balet» tamasha áser qaldyrdy. Barlyq dramalyq jeli keremet ashylǵan. Solisterge tózimdiligi úshin erekshe rahmet aityp qoialyq, óitkeni Grigorovichtiń horeografiiasy erekshe aýyr. Farhad óte batyl. Meniń oiymsha, barlyq áieldiń júregin jaýlaǵan sekildi. Biz kelgenimizge óte qýanyshtymyz, ártisterińiz keremet shabyttandyrdy», - dedi Álisher Naýai atyndaǵy Ózbekstannyń Úlken teatry jetekshi solisti Nadira Hamraeva.
