Nur-Sultan qalalyq máslihatynyń hatshysy Erlan Kamalimov áleýmettik az tamtylǵan topqa kiretin turǵyndardyń qoǵamdyq kólikte tegin júrý kartalarynyń paidalanylýyna saraptama júrgizýdi tapsyrdy, dep habarlaidy QazAqparat.
«Bizde qala boiynsha jeńildigi bar jol júrý kartasyn shamamen 120 myń adam paidalanady. Qalai degende de, validatsiia boiynsha saraptama júrgizýdi tapsyrar edim. Óitkeni, qalada kópshiligi halyqtyń az qamtylǵan toby retinde esepte turǵanymen qoǵamdyq kólikpen jii júre bermeidi. Osyǵan orai saraptama jasap, esebi boiynsha is júzinde tólem jasaýdy ótinemin. Sebebi bul biýdjet aqshasy. Eger adamdar kartany paidalanbasa, oǵan nesine tólem jasaimyz», - dedi ol elorda máslihaty áleýmettik-mádeni damý máseleleri jónindegi turaqty komissiiasynyń otyrysynda.
Osy oraida Nur-Sultan qalalyq Jumyspen qamtý jáne áleýettik qorǵaý basqarmasy basshysynyń mindetin atqarýshy Ilia Skýb STC kompaniiasy is júzinde 3 mlrd teńgeniń validatsiiasy jasalǵany týraly esep beretindigin jáne ol tizimmen sai keletindigin aitty.
«Olardyń barlyǵy birdei kartany paidalanbaityndyǵy túsinikti. Biraq, kúnine birneshe ret qoǵamdyq kólikpen qatynaityndar bar. Olar (STC kompaniiasy) qalai bolǵandada da atalǵan somany tolyq igeredi», - dedi Ilia Skýb.
