Astana, Almaty jáne Shymkent qalalarynyń turǵyndary qolailylyqtary úshin turǵylyqty jeri boiynsha tirkeýden jyljymaityn múliktiń ornalasqan jerine qaramastan tirkelýlerine bolady, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasy» kommertsiialyq emes aktsionerlik qoǵamy baspasóz qyzmetine silteme jasap.
Eger buǵan deiin bul úsh qalanyń kóshi qon politsiiasynyń qyzmeti boiynsha HQKO-ǵa óz aýdany boiynsha júginýi kerek bolsa, qazir ýaqytsha tirkelýdi olar ózderine qolaily bólimnen júzege asyra alady.
«Azamattarǵa arnalǵan úkimet» memlekettik korporatsiiasy tóraǵasy Daniiar Erenchinovtiń aitýynsha, bul azamattarǵa ýaqytsha tirkeý protsedýrasyn aitarlyqtai jeńildetedi. «Astana, Almaty jáne Shymkent siiaqty úlken qalalardaǵy turǵyndarǵa jyljymaityn múliktiń ornalasqan jeri boiynsha Halyqqa qyzmet kórsetý ortalyǵyna barýǵa týra keletin. Mysaly, páter Esil aýdanynda ornalasqan bolsa, onda Esil aýdandyq HQKO-ǵa barý kerek edi. Endi bul qalalardyń turǵyndary kóshi qon politsiiasy qyzmet etetin kez kelgen HQKO-ǵa barýlaryna bolady», - dep túsindirdi Erenchinov.
Esterińizge sala ketsek, turǵylyqty jeri boiynsha tirkeý jáne qujattandyrý boiynsha qyzmetterdi azamattardyń qolailylyqtary úshin respýblika boiynsha 240 halyqqa qyzmet kórsetý ortalyqtarynda otyrǵan, kóshi qon politsiiasy qyzmetkerleri kórsetedi.
