Qazaqstanda jylytý maýsymy bastalýǵa jaqyn. Alaida Astana, Almaty jáne Shymkentte jylý berýdiń naqty kúni aýa raiyna bailanysty anyqtalady. Byltyr úsh qalada jylý ártúrli merzimde qosylǵan, dep habarlaidy ult.kz.
Astana
Elordada jylytý maýsymyn bastaý úshin syrtqy aýa temperatýrasy bes kún qatarynan orta eseppen +10 gradýstan tómen bolýy kerek. Ázirge 2026–2027 jyldardaǵy maýsymnyń naqty bastalý kúni jariialanǵan joq.
Al 2025 jyly Astanada jylý 28 qyrkúiekte berile bastady. Jylý turǵyn úilerge kezeń-kezeńimen qosyldy.
Almaty
Almatyda da biylǵy jylytý maýsymynyń naqty bastalý kúni ázirge habarlanǵan joq. Qalada 2026–2027 jyldardaǵy maýsymǵa daiyndyq jumystary júrgizilip jatyr, kópqabatty úilerdiń basym bóligi daiyndalǵan.
Al 2025 jyly Almatyda áleýmettik nysandarǵa jylý 8 qazanda, al turǵyn úilerge 10 qazannan bastap berile bastady. Bul aýa temperatýrasynyń kúrt tómendeýine bailanysty jospardan erterek iske qosylǵan.
Shymkent
Shymkentte 2026–2027 jylǵy jylytý maýsymyna daiyndyq jalǵasyp jatyr. Qalada jylý jelileri men qazandyqtar tekserilip, jóndeý jumystary júrgizilýde. Naqty bastalý kúni ázirge jariialanbaǵan.
Al 2025 jyly Shymkentte jylytý maýsymy 1 qarashada bastaldy. Aldymen áleýmettik nysandar, keiin kópqabatty turǵyn úiler kezeń-kezeńimen jylýǵa qosyldy. Qalany tolyq jylýmen qamtý 6 qarashaǵa deiin josparlanǵan.
Osylaisha, byltyr úsh megapolistiń ishinde Astanada jylý eń erte — 28 qyrkúiekte, Almatyda 8–10 qazanda, al Shymkentte 1 qarashada berile bastaǵan.
Biyl naqty kún aýa raiyna jáne qalalardyń daiyndyq deńgeiine qarai belgilenedi.
