Elordalyq jastar elorda ákiminiń «Smile Astana – Aqjarqyn Astana – Astana – gorod dobryh i ýlybchivyh liýdei» jobasyn júzege asyrýda. Smile Astana jobasy elordanyń baqytty turǵynynyń beinesin qalyptastyrýǵa baǵyttalǵan, dep habarlaidy "Ult aqparat" qala ákimdiginiń resmi saityna silteme jasap.
«Smile Astana jobasyn qolǵa alyp, Astana turǵyndary úshin erejeler jinaǵyn qurýdy usynamyn. Bir-birimizge, ainaladaǵylarǵa kúle qarap, qariialarǵa kómekteseiik, kezekte turǵanda qart adamdardy, júkti áielderdi alǵa ótkizip, sypaiy bolaiyq», – dep úndedi qala basshysy.
Ákimniń bul oiyn qalanyń jastar birlestikteri men uiymdary qoldap, Smile Astana jobasyn iske asyrýǵa tujyrymdamalyq negizde kiristi. Nátijesinde elordanyń baqytty turǵynynyń beinesin qalyptastyrýǵa baǵyttalǵan jańa mádeni trend paida boldy. Joba sheńberinde túrli aktsiialar, jastardyń fleshmobtary jáne kóńildi baiqaýlar qarastyrylǵar. Sondai-aq, qalada eń jarqyn júzdi adam/ádemi kúlki baiqaýy jariialanady.
Buǵan qosa, qala kóshelerinde, qoǵamdyq oryndarda jáne qalalyq kólikterde jastar uiymdarynyń ókilderi elorda turǵyndary men qonaqtaryna smaildar taratady, kóshede alyp qýyrshaqtar óner kórsetedi. Al áleýmettik jelilerde #smileastana, #aqjarqynastana heshtegterimen posttar qurylady.
Saýda-oiyn-saýyq ortalyqtarynda, qyzmet kórsetý men servis salasynda, sondai-aq, óndiris sektorynda milliondaǵan qala turǵynynyń nazaryn aýdaratyn brendter paida bolady. Sonymen birge, qala kóshelerinde qala turǵyndarynyń kóńilin kóteretin smaildary bar tizerler men bilbordtar paida bolady.
Jobanyń negizine álemdik tájiribeniń trendteri negizge alynyp, EKSPO halyqaralyq kórmesi qarsańynda elorda turǵyndaryn jaqsy kóńil kúige keltirý maqsaty qoiylyp otyr.
Astana mańyzdy shara – EKSPO-2017 kórmesin qabyldaýǵa daiyndalýda. Elordaǵa shetelden myńdaǵan qonaq keledi, olardyń ishinde áleýetti týrister, investorlar jáne elimizdiń shet memleketterdegi bolashaq brend-ambassadorlary bolady. Sol sebepti dál qazir elorda turǵynynyń rýhy men beinesin qalyptastyrý úshin tiimdi ýaqyt jáne buǵan árbir elordalyq úles qosa alady, dep sanaidy ákim.
Jobanyń avtorlary qala turǵyndaryn aktsiiany qoldaýǵa shaqyrady. Smail Astana beinelerin tómende júktep alýǵa bolady.
