Astananyń jańa ákimi Jeńis Qasymbek LRT jobasy aldaǵy jyldary aiaqtalatynyna ýáde berdi. Bul týraly ol Astanada Memleket basshysynyń qatysýymen ótken Úkimettiń keńeitilgen otyrysy aiaqtalǵannan keiin aitty, - dep habarlaidy Tengrinews.kz agenttigi.
"LRT aiaqtalady. LRT eki-úsh jyl ishinde aiaqtalady. Qarjylandyrýǵa bailanysty", - dedi shahar basshysy.
Sondai-aq, jýrnalister sheneýnikten komanda ózgerip-ózgermeitinin surady.
"Men eshkimdi ákelmeimin, eshkimdi ózgertpeimin", - dedi Jeńis Qasymbek.
Astana ákimi jýrnalisterge jyldyń aiaǵynda deiin elorda turǵyndarymen kezdesý ótkizemin dep te ýáde berdi.
"Osy jyldyń aiaǵynda, jyl aiaǵyna deiin kezdesemin. Kezdesýler bastaldy, eki kún buryn úleskerlermen kezdestim, mundai kezdesýler kúnde ótip turady", - dedi Astana ákimi.
Aita keteiik, 8 jeltoqsanda Jeńis Qasymbek Astana ákimi bolyp taǵaiyndalǵan.
