Mamyr aiynyń sońyna deiin elordaǵa jańa 423 avtobýs jetkiziledi.
Bul týraly búgin Astana qalalyq jolaýshylar kóligi basqarmasynyń bastyǵy Bekmyrza Igenberdinov málim etti, dep habarlaidy QazAqparat.
«Qazirgi ýaqytta qalada kún saiyn qoǵamdyq kólikpen 800 myńnan astam sapar jasalady. Al avtobýstardyń jalpy sany - 1025 birlik. Shamamen 250 avtobýs tehnikalyq talaptarǵa, soǵan sáikes jolaýshylar men júkterdi tasymaldaý talaptaryna sai kelmeidi. Buǵan qosa, EKSPO qarsańynda jáne kórme ótetin kezeńde kún saiynǵy jolaýshylar aǵynynyń kólemi 200 myńnan astam saparǵa kóbeiedi dep kútilýde. Qalalyq qajettik aiasynda jáne EKSPO kezinde qoǵamdyq kólikterge qoljetimdilikti qamtamasyz etý, halyqaralyq jáne óńirlik delegatsiialarǵa tapsyrys beriletin avtobýstardy uiymdastyrý úshin ákimdik qosymsha 423 avtobýs satyp alady. Barlyq avtobýstar mamyr aiynyń sońyna deiin jetkiziledi dep kútilýde», - dedi basqarma basshysy.
Onyń aitýynsha, búginde qalada 81 qoǵamdyq kólik baǵdary bar. Onyń 11-i EKSPO aýmaǵy arqyly ótedi. Kórme ótkiziletin kezeńde atalǵan 11 baǵdarǵa qyzmet kórsetý úshin qosymsha 103 avtobýs beriledi.
«Bul shara qoǵamdyq kólikterdiń qozǵalys ýaqyty aralyǵyn 5-7 minýtqa deiin qysqartýǵa múmkindik berip, kórme baǵytyndaǵy saparlar sanyn 260 myńǵa deiin arttyrýǵa septigin tigizedi. Jolaqysy qazirgi deńgeide, iaǵni 90 teńge bolyp qala beretin bolady»,- dedi Igenberdinov
