Elimizdiń astanasy Nur-Sultan qalasynda Qazaqstan halqy Assambleiasynyń qyzmetine zor úles qosqan QHA ókilderine «Qazaqstan halqy Assambleiasyna - 25 jyl» merekelik medaldaryn tapsyrý rásimi ótti. Marapattaý rásimine qalalyq ishki saiasat basqarmasynyń basshysy Talǵat Rahmanberdi qatysty, - dep habarlaidy «Ult aqparat».
Marapat ielerine Qazaqstan halqy Assambleiasynyń qyzmetine qosqan erekshe úlesi úshin alǵys aitqan Nur-Sultan qalasy ishki saiasat basqarmasynyń basshysy Talǵat Rahmanberdi etnosaralyq kelisim týraly oiymen de bólisti.
«Ýaqyt talabyna qaramastan, sizder etnosaralyq kelisimdi nyǵaĭtý boĭynsha óz jumystaryńyzdy onlaĭn-rejimde atqarǵandaryńyzdy bilemiz. Óz igi isterińizben sizder ultqa, jasqa jáne qyzmet túrine qaramastan, qiyn sátte birtutas halyq retinde áreket ete bildińizder», - dep atap ótti Talǵat Rahmanberdi.
Talǵat Rahmanberdi qala Assambleiasy qyzmetiniń basty baǵyttarynyń biri qaĭyrymdylyqty damytý ekenin atap ótti. Aǵymdaǵy jyldyń birinshi jartyjyldyǵynda elordalyq Assambleia jalpy somasy 36 mln teńgege 70 shara uĭymdastyrǵanyn eske sala keteĭik. Karantinge qaramastan, elordalyq Assambleia qoǵam qaĭratkerleri men sheteldik ókilderdiń qatysýymen 93 is-shara, onyń 70-i onlaĭn-rejimde ótti.
Sonymen qatar, dál osy kúni Qazaqstan halqy Assambleiasy Tóraǵasynyń orynbasary, Hatshylyq meńgerýshisi Janseiit Túimebaev L.N.Gýmilev atyndaǵy Eýraziia ulttyq ýniversitetiniń rektory Erlan Sydyqovty jáne «Shugylakitap» baspa úiiniń direktory Liýdmila Kirilinskaiany Assambleianyń 25 jyldyq mereitoilyq medalimen marapattady.
Janseiit Qanseiituly marapattalýshylardy quttyqtai kele, Qazaqstan halqy Assambleiasymen birge qoǵam birligi, ulttar tatýlyǵy máselelerinde birlesip jumys atqarǵandaryna rizalyq bildirdi.
«Biz búgin Qazaqstan halqy Assambleiasynyń mereitoilyq medalimen marapattalyp jatqanymyzǵa shekisiz rizamyz. Janseiit Qanseiitulynyń bastamasymen, áli talai igi sharalardy birge atqararymyzǵa senemin. Bizdiń L.N.Gýmilev atyndaǵy Eýraziia ulttyq ýniversitetinde túrli ult ókilderi bilim alyp, mamandyq ieleri atanýǵa talpynyp júr. Biz úshin ár kadr mańyzdy. Sondyqtan bilim berýde asa muqiiat bolýǵa tyrysamyz. Jastarymyzdyń ózara yntymaq-birlikterine qarap, búgingi saiasattyń durys júzege asyp jatqanyna kýá bolyp júrmiz», - dedi L.N.Gýmilev atyndaǵy Eýraziia ulttyq ýniversitetiniń rektory Erlan Sydyqov.
Dál osyndai igi shara Atyraý oblysynda da jalǵasyn tapty. Atyraý oblysynyń ákimi Mahambet Dosmuhambetov QHA ókilderin merekelik medalmen marapattady.
«Assambleia - bul elimizde qoǵamdyq kelisim men el birligin aiqyndaityn qurylym. Elimizdiń órkendeýi jolynda qazaqstandyqtardyń qosqan úlesi zor. Osy oraida bir top eńbek ardagerleri men Atyraý oblysy QHA ókilderin «Qazaqstan halqy Assambleiasyna - 25 jyl» merekelik medalimen marapattaimyn» , - dedi oblys ákimi quttyqtaý sózinde.
Oblys ákiminiń qolynan marapat alǵan Maksim Li óz qýanyshymen bólisip, qazaq halqynyń ózge ulttarǵa degen keń peiili men darhan qushaǵyna alǵys bildirdi.
«Meniń ata-babam sonaý repressiia jyldary Qazaqstanǵa jer aýdarǵan. Sodan men osy qasietti Otanda týyldym. Ata-ájem, áke-sheshem qazaq halqynan kórgen jaqsylyǵyn ómir boiy aýyzdarynan tastamai ótti. Men de balalaryma bul uly halyqtyń erekshelikterin boiyna sińirip, memlekettik tildi meńgerýleri úshin aianbai eńbek etip júrmin. Men qazaq halqyn qurmetteimin, sáikesinshe qazaq tilin de jaqsy bilemin. Bul meniń Otanyma degen sheksiz mahabbatymnan», - dedi QHA múshesi Maksim Li.
Estkerińizge sala keteiik, biyl Qazaqstan halqy Assambleiasyna 25 jyl tolyp otyr. Osy oraida birqatar azamattar mereitoilyq medaldarmen marapattalyp jatyr.
