Kóktem mezgili jarqyn merekelerdiń bastaýy ekeni belgili. Kóktem bastalysymen Jer-ana kógerip, aǵashtar gúldep jańa ómirdiń bastalap tusy bolady. Osyndai jarqyn merekelerdiń qarsańynda Petropavlda etnomádeni birlestikter arasynda 8 naýryz – Halyqaralyq áielder kúnine arnalǵan «Assambleia arýy 2021» onlain-baiqaýy ótti, - dep habarlaidy «Ult aqparat».
Atalǵan baiqaýǵa 16-29 jas aralyǵyndaǵy qyzdar qatysty. Etnomádeni birlestikterdiń atynan baiqaýǵa qatysýshylar týǵan tilin, ulttyq dástúrlerin jaqsy biletindigin kórsetti.
«Bul baiqaýdy uiymdastyrýdaǵy negizgi maqsatymyzdyń biri – kóktem merekeleriniń mańyzdylyǵyn arttyra otyryp, arýlarymyzdyń sulýlyǵyn, ónerin, tilge, salt-dástúrge, memlekettik tilge degen qurmetin kórsetý bolyp tabylady. Óitkeni qazir qoǵamda ózge ult ókilderi memleket tildi bilmeidi degen qate túsinik qalyptasqan. Al bizdiń assambleianyń árbir múshesi óz tilimen qatar, memlekettik tildi de meńgergen, qajet bolǵan jaǵdaida qazaq tilinde qarym-qatynas jasap, osy tilde jumys istei alady. Onyń birden bir dáleli búgingi arýlarymyzdyń baiqaýy», - dedi Petropavl Dostyq úiiniń meńgerýshisi.
Dostyq úiinde uiymdastyrylǵan sulýlar syny birneshe kezeńnen ótti. Baiqaýdyń nátijesinde «Ásemdik arýy» nominatsiiasynda «Kentron» armian mádenieti ortalyǵynyń belsendisi Rýzana Malhasian jeńiske jetti. «Kóktem arýy» nominatsiiasyna «Hangug Qazagstan» korei etnomádeni birlestiginiń ókili Vera Kan ie boldy. «Urpaq» qazaq mádeni-aǵartýshylyq ortalyǵy» qoǵamdyq birlestiginiń belsendisi Ásel Baimýldinova «Qiialshyldyq arýy» atandy.
«Kóktem merekesine orai uiymdastyrylǵan baiqaýda «Kóktem arýy» atanǵanymdy bir jaqsylyqqa balaimyn. Baiqaýǵa uzaq ýaqyt daiyndaldym. Kórei ulttyq kiimderi, taǵamdary, salt-dástúrimen qatar, qazaqtyń ulttyq kiimderi, salt-dástúri, tili men mádenietin meńgerý úshin barymdy saldym. Qazir qýanyshtan kózime jas kelip tur. Bizdiń túrli ult ókilderiniń dál osylai emin-erkin, tatý-tátti ómir súrip jatqan bir shańyraǵymyz Qazaqstanymyz jasai bersin. Keń qushaǵyna syidyrǵan qazaq halqyna myń alǵys», - dedi «Hangug Qazagstan» korei etnomádeni birlestiginiń ókili Vera Kan.
Sonymen qatar, «Dýslyk» tatar-bashqurt ortalyǵynyń ókili Liliia Akýlina «Náziktik arýy» nominatsiiasyn, «Miss ýlybka» nominatsiiasynda «Sibir kazaktarynyń baýyrlastyǵy» qoǵamdyq birlestiginiń ókili Rassohina Karina jeńdi. «Urpaq» qazaq mádeni-aǵartýshylyq ortalyǵynyń belsendisi Jaqsybai Hanshabibi «Sándilik arýy» ataǵyn aldy. «Assambleia arýy 2021» nominatsiiasynda «Radzima» Soltústik Qazaqstan oblystyq belorýs mádeni ortalyǵy» qoǵamdyq birlestigi jastar qanatynyń kóshbasshysy Iýliia Sysoeva jeńimpaz atandy.
Assambleia arýy atanǵan Iýliia Sysoeva búgingi jeńisi týraly bylai deidi:
«Assambleia arýy atanýǵa barlyq arýlar laiyq. Bári de shetinen ónerli, talantty. Osynsha arýdyń ishinenen sýyrylyp alǵa shyqqanym úshin, erekshe qýanyshtymyn. Men bul baiqaýda óz ónerimdi ǵana emes, óz ultymnyń ereksheligi men qazaq halqynyń darhandyǵyn da kórsetýǵa barymdy saldym. Bizdiń qalada qansha ult ókilderi ómir súrshe, sonsha til, sonsha mádeniet bar. degenmen biz qazaq halqynyń mádenieti men memlekettik tilde erekshe qurmetteimiz», - dedi «Assambleia arýy 2021» atanǵan «Radzima» Soltústik Qazaqstan oblystyq belorýs mádeni ortalyǵy» qoǵamdyq birlestigi jastar qanatynyń kóshbasshysy Iýliia Sysoeva.
Barlyq qatysýshylar estelik syilyqtarmen jáne diplomdarmen marapattaldy.
Esterińizge sala keteiik, Petropavlda etnomádeni birlestikter arasynda 8 naýryz – Halyqaralyq áielder kúnine arnalǵan «Assambleia arýy 2021» onlain-baiqaýy ótti. Atalǵan baiqaýǵa 16-29 jas aralyǵyndaǵy qyzdar qatysty. Etnomádeni birlestikterdiń atynan baiqaýǵa qatysýshylar týǵan tilin, ulttyq dástúrlerin jaqsy biletindigin kórsetti.
