Bokstan 2023 jylǵy álem chempiony, Qazaqstan ulttyq quramasynyń burynǵy kapitany Aslanbek Shymbergenov sporttyq mansabyn aiaqtaý týraly sheshim qabyldady, dep habarlaidy ult.kz.
Bul týraly sportshy Sportbugin.kz tilshisine bergen suhbatynda aitty.
Aslanbek Shymbergenovtiń sózinshe, ol sharshy alańǵa qaita oralýdy josparlaǵan. Tipti jattyǵýǵa kirisip, kásibi bokstaǵy mansabyn jalǵastyrýǵa talpynyp kórgen.
Alaida sportshy keiin bul oiyn júzege asyra almaitynyn túsingen.
«Biraq qolym júrmedi. Sondyqtan kásibi mansabymdy aiaqtaimyn dep sheshtim. Búginde Jambyl oblysyndaǵy kásibi boks klýbynda basshynyń orynbasary bolyp jumys istep júrmin», – dedi ol.
Aslanbek Shymbergenov 1993 jylǵy 9 qazanda Jambyl oblysynda dúniege kelgen. Ol birneshe jyl boiy Qazaqstan ulttyq quramasynyń sapynda óner kórsetip, el boksynyń kóshbasshylarynyń biri boldy.
Sportshy – Qazaqstannyń eki dúrkin chempiony. Ol 2022 jyly Aziia chempionatynda jeńimpaz atansa, 2023 jyly álem chempionatynda top jardy. Sondai-aq 2019 jyly áskeriler arasyndaǵy álem chempionatynda altyn medal ielengen.
Shymbergenov 2018 jylǵy Aziia oiyndarynda kúmis, al 2023 jylǵy Aziia oiyndarynda qola júldege qol jetkizdi. 2024 jyly Parijde ótken Olimpiada oiyndarynda Qazaqstan namysyn qorǵady.
