Foto: Aqtóbe oblysynyń ákimdigi
Aqtóbe oblysynyń ákimi Facebook áleýmettik jelisinde jazba jariialady.
- Jeńistiń 80 jyldyǵy qarsańynda «80 alǵys sóz» atty chellendj jariialanǵanynan habardarmyn. Shyndyǵynda, erlikti este saqtap, Jeńis jolynda maidanda qan, tylda ter tókken barsha maidangerler men tyl eńbekkerlerine alǵys aityp, qurmet kórsetý bizdiń qasietti paryzymyz,- dep jazdy ákim.
Sondai-aq ol sózinde Ekinshi dúniejúzilik soǵys kezinde árbir besinshi qazaqstandyq maidanǵa attanyp, Otan qorǵaýǵa atsalysqanyn, soǵys salǵan qasiret árbir otbasynyń tarihynda óshpes iz qaldyrǵanyn atap ótti.
- Bizdiń atalarymyz ben analarymyzdyń batyrlyǵy men janqiiarlyǵy, olardyń óz Otanyna degen sheksiz súiispenshilikteri Qazaqstannyń búgingi jastaryna zor úlgi. Endeshe óńirimizdiń ár turǵynyn qazynaly qarttarymyzdy ardaqtap, qal-qadirimiz jetkenshe qaiyrymdylyq jasap, olarǵa qoldaý kórsetýge shaqyramyn. Tarihymyzda qalǵan bul surapyl soǵystyń keselinen ótken ata apalarymyzǵa amandyq tileimin! Elimizdiń darhan dalasy keń, aspany árdaiym ashyq bolsyn!», - dep jazdy óńir basshysy.
«Otan daýysy» baiqaýy Uly Jeńistiń 80 jyldyǵyna arnalǵany týraly jazdyq.
