Foto: QR Parlamenti Májilisi
Májilis depýtaty, «AMANAT» partiiasy fraktsiiasynyń múshesi Ashat Aimaǵambetov azapsyz, abyroĭmen ómir súrý jáne palliativtik kómek týraly másele kóterdi, dep habarlaidy Ult.kz.
«Ómirińizdiń sońǵy kúnderinde aýyrsynýdan arylyp, laĭyqty kútim alýdyń ornyna jalǵyz qalyp, jan azabyn keship jatqanyńyzdy elestetińizshi. Ókinishke qaraĭ, bul – palliativtik kómekke muqtaj myńdaǵan qazaqstandyqtyń búgingi shyndyǵy. Árbir adam ómirden azapsyz, abyroĭmen ótýge quqyly. Palliativtik kómek dál osy quqyqty árbir qajet etýshige qamtamasyz etý úshin kerek», - deidi ol.
Aimaǵambetovtyń aitýynsha, Qazaqstanda 100 myńnan astam adam, onyń ishinde onkologiialyq aýrýlardyń sońǵy satysyndaǵy naýqastar, insýlttan keĭingi adamdar jáne jazylmaĭtyn aýrýlary bar balalar osyndaĭ kómekke muqtaj.
«Alaĭda bul salada kóptegen máseleler bar: hospisterdiń jetispeýshiligi, aýyrsynýdy basatyn dárilerge qoljetimdiliktiń shekteýliligi, bilikti mamandardyń tapshylyǵy. Onyń ústine, palliativtik kómekke arnalǵan qazirgi biýdjettegi tarifter tym tómen, bul shynaĭy qajettilikterdi tolyq qamtýǵa jetkiliksiz. Osyndaĭ qiyndyqtarǵa qaramastan, kelesi jyldyń biýdjet jobasynda palliativtik kómekti qarjylandyrýdy qysqartý usynysyn kórgende, bul sheshimniń qanshalyqty ádiletsiz ekenin túsindik. Biz, kerisinshe, qarjylandyrýdy 4 mlrdqa deĭin ulǵaĭtýǵa kúsh saldyq, óĭtkeni árbir adam ómiriniń sońǵy kúnderin azapsyz, qurmetpen jáne tynyshtyqpen ótkizýge laĭyq. Bul tek densaýlyq saqtaý máselesi emes, bul – adamgershilik máselesi», - deidi depýtat.
Ashat Aimaǵambetov ataǵandai, palliativtik kómekke bólinetin tarif kólemin shuǵyl túrde qaĭta qaraý qajet.
«Densaýlyq saqtaý ministrligine raqmet, bul bastamamyzdy qoldap otyr, bul baǵytta biraz josparlary da bar, sondyqtan aldaǵy ýaqytta birlesip, osy mańyzdy máseleni sheshemiz dep senemiz», - deidi ol.
