QR Ǵylym jáne bilim ministri Ashat Aimaǵambetov oqýlyq sapasyn arttyrý boiynsha keńes ótkizdi, dep habarlaidy QazAqparat.
«Jyl saiyn oqýlyqtardyń sapasyna syn aitylyp keledi. Ol synnyń kóbi oryndy ekenin moiyndaýymyz kerek. Ony áriptiń qate basylýy desek te, tehnikalyq qatelik desek te, qoǵam ondai aqtalýdy qabyldamaidy. Oqýlyq daiyndaý bizdiń mindet bolǵandyqtan, onyń sapasyn da biz qamtamasyz etýimiz kerek», - dedi Ashat Aimaǵambetov.
Vedomstvo basshysy oqýlyqtardyń mazmunymen arnaiy tanysyp shyqqanyn da aitty.
«Oqýlyq basý jumysy sońyna jetip qaldy. Ony óńirlerge jóneltý jumysy da bastalyp ketti. Qazir barlyq oqýlyqtyń 40 paiyzy óńirlerge jetkizildi. Ótken jylmen salystyrsaq, bul jaqsy kórsetkish. Degenmen bul jumysty tezirek aiaqtaý mindeti tur. Men oqýlyqtardy qarap, birneshe qate taptym. Eń bastysy, mundai qatelikterge kóz jumyp qaraýǵa bolmaidy. Jalpy bilim jáne ǵylym ministrligi úlken jumys atqardy. Birqatar máseleler sheshimin de taýyp jatyr. Degenmen, búgin oqýlyq boiynsha biz problema bar ekenin ashyq aityp otyrmyz», - dedi ol keńeste.
