قر عىلىم جەنە بٸلٸم مينيسترٸ اسحات ايماعامبەتوۆ وقۋلىق ساپاسىن ارتتىرۋ بويىنشا كەڭەس ٶتكٸزدٸ, دەپ حابارلايدى قازاقپارات.
«جىل سايىن وقۋلىقتاردىڭ ساپاسىنا سىن ايتىلىپ كەلەدٸ. ول سىننىڭ كٶبٸ ورىندى ەكەنٸن مويىنداۋىمىز كەرەك. ونى ەرٸپتٸڭ قاتە باسىلۋى دەسەك تە, تەحنيكالىق قاتەلٸك دەسەك تە, قوعام ونداي اقتالۋدى قابىلدامايدى. وقۋلىق دايىنداۋ بٸزدٸڭ مٸندەت بولعاندىقتان, ونىڭ ساپاسىن دا بٸز قامتاماسىز ەتۋٸمٸز كەرەك», - دەدٸ اسحات ايماعامبەتوۆ.
ۆەدومستۆو باسشىسى وقۋلىقتاردىڭ مازمۇنىمەن ارنايى تانىسىپ شىققانىن دا ايتتى.
«وقۋلىق باسۋ جۇمىسى سوڭىنا جەتٸپ قالدى. ونى ٶڭٸرلەرگە جٶنەلتۋ جۇمىسى دا باستالىپ كەتتٸ. قازٸر بارلىق وقۋلىقتىڭ 40 پايىزى ٶڭٸرلەرگە جەتكٸزٸلدٸ. ٶتكەن جىلمەن سالىستىرساق, بۇل جاقسى كٶرسەتكٸش. دەگەنمەن بۇل جۇمىستى تەزٸرەك اياقتاۋ مٸندەتٸ تۇر. مەن وقۋلىقتاردى قاراپ, بٸرنەشە قاتە تاپتىم. ەڭ باستىسى, مۇنداي قاتەلٸكتەرگە كٶز جۇمىپ قاراۋعا بولمايدى. جالپى بٸلٸم جەنە عىلىم مينيسترلٸگٸ ٷلكەن جۇمىس اتقاردى. بٸرقاتار مەسەلەلەر شەشٸمٸن دە تاۋىپ جاتىر. دەگەنمەن, بٷگٸن وقۋلىق بويىنشا بٸز پروبلەما بار ەكەنٸن اشىق ايتىپ وتىرمىز», - دەدٸ ول كەڭەستە.
