QR Bilim jáne ǵylym ministri Ashat Aimaǵambetov reseilik joǵary oqý oryndarymen arada bolyp jatqan kelissózder týraly aitty, dep habarlaidy QazAqparat.
Onyń aitýynsha, jalpy Qazaqstan túrli elderdegi birqatar joǵary oqý oryndarymen kelissózder qarastyrady. Sonymen qatar, Máskeý injenerlik-fizikalyq institýty, N.E.Baýman atyndaǵy Máskeý memlekettik tehnikalyq ýniversiteti, I.M.Gýbkin atyndaǵy Resei memlekettik munai jáne gaz ýniversiteti ókilderimen kelissózder júrgizilip jatyr.
«Sebebi ýniversitetter ózderiniń uiymdastyrý máselelerin sheship alýy kerek. Bul jaǵdaida JOO quramynda olardyń filialdaryn ashý máselesi qarastyrylyp otyr. MIFI óz kezeginde QazUÝ-men kelissóz júrgizip jatyr», - dedi ministr Májiliste tilshiler saýalyna jaýap bere otyryp.
Onyń aitýynsha, osyndai formatta stýdentter eki diplom ala alady.
«Onda ártúrli trekter bolady. Osy jaǵdaida olar bizdiń joǵary oqý oryndarymen jumys istegen kezde eki diplomdy alý múmkindigi pysyqtalyp jatyr. Qazirgi kezde bizde eki júzden astam bilim berý baǵdarlamasy bar», - dedi Aimaǵambetov.
«Qazaqstan diplomdary barlyq elde moiyndalǵan. Elimizde bakalavriat alyp, Eýropaǵa, Ulybritaniiaǵa baryp magistratýraǵa oqýǵa barýǵa bolady», - dedi vedomstvo basshysy.
