QR Bilim jáne ǵylym ministri Ashat Aimaǵambetov basqa elderdegi Qazaqstan elshilikteriniń ókilderimen onlain kezdesý ótkizdi, dep habarlaidy ministrliktiń baspasóz qyzmeti.
«Jiynǵa qatysýshylar qazaqstandyq joǵary bilim salasyn internatsionalizatsiialaý boiynsha halyqaralyq yntymaqtastyq, sheteldik ǵalymdardy tartý, akademiialyq mobildilikti damytý, «Bolashaq» baǵdarlamasyn jańǵyrtý, almasý baǵdarlamalaryn damytý jáne birlesken ǵylymi zertteýler júrgizý qatysty máselelerin talqylady», - delingen vedomstvonyń baspasóz habarlamasynda.
Málim etilgendei, ministrlik birlesken ǵylymi zertteýler júrgizý kezinde halyqaralyq yntymaqtastyqty, sondai-aq stýdentter men oqytýshylardyń akademiialyq utqyrlyǵyn damytý, joǵary oqý oryndarynda qos diplomdy baǵdarlamalar ashý, tepe-teń negizde granttar bólý jáne bilim týraly qujattardy taný máselelerin qamtityn tujyrymdamalar daiyndap, 20 kelisimshartqa qol qoiýǵa ázirlenip jatyr.
«Almasý baǵdarlamasy aiasynda jyl saiyn sheteldik JOO-larda 610-nan astam stýdent grant boiynsha bilim alady. Biyl olardyń sany – 300-ge jýyq. Sonymen qatar qazaqstandyq joǵary oqý oryndarynda kvota sany da artty, búginde 345-ke jýyq sheteldik azamattyń Qazaqstanda bilim alýyna bolady. Jaqyn bolashaqta jaqyn jáne alys shet eldermen yntymaqtastyqta bolý úshin bilim berý salasyndaǵy aýqymy keń máseleler boiynsha 20 kelisimge qol qoiýdy josparlap otyrmyz», - dedi QR Bilim jáne ǵylym vitse-ministri Rústem Biǵari.
Singapýrdaǵy Qazaqstan elshiliginiń ókili Vitalii Aleksandrov ótken jyly Singapýrdyń kásibi jáne tehnikalyq bilim berý salasyndaǵy iri oqý oryndarynyń birimen seriktestik qarym-qatynas ornatylǵanyn atap ótti. Singapýrlyq tarappen qazaqstandyq kolledjderdiń pedagogterine biliktiligin arttyrýǵa 115 grant bólý týraly kelisimge keldi.
Jiynǵa Ispaniia, Germaniiadaǵy, Italiia, Cheh Respýblikasy, Polsha, Niderlandy, Frantsiia, Vengriia, Ulybritaniia, Finliandiia, Túrkiia, QHR, Koreia, Japoniia, Katar, Malaiziia, Singapýr, BAÁ, Avstraliia, Resei Federatsiiasy, Ýkraina, Ózbekstan, Qyrǵyzstandaǵy jáne basqa da elderdegi elshilikter men konsýldyqtardyń ókilderi qatysty.
Eske salaiyq, QR Bilim jáne ǵylym ministri Ashat Aimaǵambetov koronavirýske bailanysty úiinde oqshaýlaný rejimine kóship, qashyqtan jumys istei bastady.
