Elimizdiń Qarýly Kúshteri jergilikti atqarýshy organdar men tótenshe jaǵdai organdaryna garnizondarynda dezinfektsiialyq jumystar júrgizýge kómek kórsetýdi qaita bastady, dep habarlaidy Qorǵanys ministrliginiń baspasóz qyzmeti.
Qazirgi tańda Aqmola, Aqtaý, Atyraý, Qyzylorda, Taraz jáne Shymkent garnizondarynda óńdeý jumystary qolǵa alyndy.
Eldimekenderdi óńdeýge jumyldyrylǵan qurama jasaq arnaiy tehnikamen, ARS-14 avto quiý stantsiialarymen, óńdeý jiyntyǵymen jáne dezinfektsiialaý quraldarymen qamtamasyz etilgen.
Ótken aptada jalpy aýdany 751 myń sharshy metrden asatyn 450-den astam áleýmettik mańyzy bar jáne basqa da nysandar dezinfektsiialandy.
Ákimdikterdiń ótinimderi boiynsha 18 shildede dezinfektsiialaý jumystary Aqtaý, Atyraý jáne Nur-Sultanda júrgiziledi. Áskeri qyzmetshiler tańerteń jumystaryn bastap, 27 áleýmettik mańyzy bar jáne 35 qalalyq nysandardy óńdeidi. Qala turǵyndary kóp jinalatyn jerlerge de erekshe kóńil bólinedi.
Óńdeý jospary jergilikti atqarýshy organdardyń ótinimderi boiynsha qalyptasady. Dezinfektsiialaý jumystaryn 25 shildege deiin jalǵastyrý josparlanyp otyr, biraq qajettiligine qarai merzimi uzartylýy múmkin.
