Aq tústi bas kiimdegi, kók jeideli sarbazdar. Bul áskeri teńiz kúshteri qataryna qyzmet etýge iriktelinip alynǵan Astana óńirlik qolbasshylyǵynan jiberilgen jas tolym. Sanaly túrde Otan qorǵaýǵa qadam basqan órender úshin saltanatty shyǵaryp salý rásimi uiymdastyryldy, – dep habarlaidy «Ult aqparat».
Otan aldyndaǵy boryshyn atqarýǵa attanyp bara jatqan sarbazdarǵa Qarýly kúshterdiń ardagerleri men basshylyq quramy jyly lebizderin bildirip, jarqyn estelikterimen de bólisti. Patriottyq rýhty ánderden shashý shashylyp, sarbazdar men ata-analaryna arnap baǵdarlama qoiyldy. Barlyǵy 40-qa jýyq sarbaz áskeri teńiz kúshteriniń qataryn tolyqtyratyn bolady. Olardyń ishinde Sáken Seifýllin atyndaǵy qazaq agrotehnikalyq ýniversitetiniń stýdenti Eldos Tattuǵov ta bar. Jasy 18-de. Áskerge shaqyrtý qaǵazy kelgennen keiin esh oilanbastan ásker qataryna barýǵa bel býǵan.
«Men áskerge ne úshin baramyn dep sheshtim? Ol árbir jigittiń óz aldyna Otan aldyndaǵy boryshy. Sondyqtan men áskerge baramyn dep sheshtim. Aqtaýda buryn-sońdy bolyp kórmegenmin. Áskeri salany tolyq meńgerip, bolashaqta kelisimshartpen qalýǵa tyrysamyn», – deidi áskerge shaqyrylýshy Eldos Tattuǵov.
Balasy atqa qonsa, anasy taqymyn qysyp otyrady emes pe? Azamattardyń ata-analary balalarymen maqtanatyny jáne ýaiymdaitynyn da jasyrmady. Olardyń aitýynsha, eń bastysy balalary amandyqpen oralsa bolǵany. Otan aldyndaǵy mindetin abyroimen atqararyna bek senimdi.
«Árine men úshin nemeremniń áskeri teńiz floty kúshterine engeni maqtanysh. Balamnyń Otan aldyndaǵy mindetin abyroimen atqarýy da maqtanysh men úshin. Men Erasyl úshin maqtanamyn jáne oǵan senemin. Nemeremmen birge áskeri boryshyn óteýge bara jatqan sarbazdarǵa sáttilik tileimin», – deidi elordalyq Gúlnar Aibakirova.
Sarbazdar bir jyl boiy áskeri qyzmet barysynda Kaspii teńiziniń Qazaqstandyq sektorynda eldiń qaýipsizdigin qamtamasyz etetin bolady. Shynyǵyp, jaýyngerlik qabiletterin shyńdap, áskeri kúimelerde qyzmet atqarady.
«Aqtaýǵa kelgen boiy osy áskeri qyzmetshi 40 adam. Jańalyq bólimshelerge, shabýyl desanttyq bólimshelerge, áskeri teńiz kúshteri jaiaý áskerleriniń quramyna jáne keme ekipajdaryna bólinedi. Alǵashqy áskeri daiyndyq ótkennen keiin», – deidi úshinshi dárejeli kapitan Ermek Ǵazizov.
Áskeri qyzmetke attanar aldynda sarbazdardyń biri ata-anasymen, biri týǵan-týystarymen, endi biri qyzdarmen de qoshtasyp jatty. Bir jyl ishinde áskeri ómirdiń qyr-syryn kórip, tájiribe jinap, naǵyz er-azamat bolyp oralary anyq. Saidyń tasyndai iriktelgen myna áskeri teńizshiler endigi ýaqytta Otan aldyndaǵy boryshyn oryndaý úshin Aqtaý garnizonyna attanatyn bolady. Olardy aldaǵy ýaqytta teńiz joryqtary men kóptegen qyzyqty sátter kútip tur.
Esterińizge sala keteiik, Otan aldyndaǵy boryshyn atqarýǵa attanyp bara jatqan sarbazdarǵa Qarýly kúshterdiń ardagerleri men basshylyq quramy jyly lebizderin bildirip, jarqyn estelikterimen de bólisti. Patriottyq rýhty ánderden shashý shashylyp, sarbazdar men ata-analaryna arnap baǵdarlama qoiyldy. Barlyǵy 40-qa jýyq sarbaz áskeri teńiz kúshteriniń qataryn tolyqtyratyn bolady.
