Kúrdeli sanitarlyq-epidemologiialyq ahýal kezinde áskeri qyzmetshilerdiń densaýlyǵyn saqtaý, aldymen jaýyngerlik ázirliktiń jai-kúiine áser etetin mańyzdy másele ekeni anyq. Osy baǵytta júrgizilip jatqan jumystar týraly Qarýly kúshterdiń Bas áskeri-meditsinalyq Basqarmasy, sanitarlyq-epidemologiialyq qadaǵalaý basqarmasynyń bastyǵy, meditsina qyzmetiniń polkovnigi Álibek Manabaev jan-jaqty aityp berdi, – dep habarlaidy «Ult aqparat».
Álibek Nyǵmetollaulynyń aitýynsha, qazirgi kezde Qarýly kúshterinde sanitarlyq-epidemologiialyq jaǵdai turaqty. Eki aptadai koronavirýstyń jańa jaǵdailary tirkelmegen. Jalpy alǵanda elimiz boiynsha sanitarlyq-epidemologiialyq ahýal turaqtanyp keledi. Jaqynda barlyq óńirler jasyl aimaqqa kóshken bolatyn.
«Koronavirýstyq infektsiianyń taralmaýy úshin buryn qabyldanǵan is-sharalar áli de jalǵasýda. Eń basty ról qazir vaktsinatsiia ekeni belgili. Jaqynda vedomstvoaralyq komissiianyń otyrysynda vaktsinatsiianyń óte mańyzdy róli týraly aitylǵan bolatyn. Qarýly kúshterinde búgingi kúnde revaktsinatsiia jalǵasyp jatyr. Qazirgi tańda 84%-y revaktsinatsiiadan ótken. Qalǵan 16%-y negizinen birinshi kýrsta oqityn oqý oryndaryndaǵy kýrsanttar. Jáne sońǵy kúzgi merzimdegi shaqyrylymdaǵy áskeri qyzmetshiler. Olar kelgen kezde vaktsinatsiia alǵan, endi alty ai ótkennen keiin revaktsinadan ótý josparlanyp otyr. Árine, revaktsinanyń qandaida bar shekteýleri bar. Eger meditsinalyq qarsy kórsetkishteri bolsa, olarǵa vaktsinatsiia salynbaidy», – dedi Qarýly kúshterdiń Bas áskeri-meditsinalyq Basqarmasy, sanitarlyq-epidemologiialyq qadaǵalaý basqarmasynyń bastyǵy, meditsina qyzmetiniń polkovnigi Álibek Manabaev.
Elimizde 1 naýryzdan bastap áskerge shaqyrý naýqany bastalǵan bolatyn. Qarýly kúshterine sáýir aiynda jas sarbazdar kelip bastaidy. Qazaqstan Respýblikasy Bas sanitarlyq dárigeriniń Qaýlysy boiynsha, áskeri tolyqtyrýlar kelgen kezde, olarǵa PTR testileý talaby áli bar.
«Sondyqtan áskeri bólimderge kelgen kezde on kún oqshaýlaý josparlanyp otyr, olardyń komanda basshylarymen birge. Sol oqshaýlaý kezinde buryn vaktsina almaǵan adamdarǵa PTR testileý júrgizemiz. On kún ótkennen keiin vaktsina almaǵandarǵa vaktsina júrgizemiz. Jáne jas sarbazdar ákimshiligin meditsinalyq tekserýden ótkizemiz jáne olardy revaktsinasy bar adamdardan jasaqtaimyz. Búgingi kúni áskeri meditsinalyq mekemeler sanitarlyq-epidemologiialyq jaǵdaidy qamtamasyz etýge, jalpy meditsinalyq kómek kórsetýge áskeri meditsinalyq mekemeler tolyq jabdyqtalǵan dep aita alamyn. Óitkeni biz de 2020-2021 jyldary koronavirýspen aýyrǵan naýqastardy emdeýge qatysqan bolatynbyz. Úlken tájiribemiz bar. Mysaly, 2020 jyly tórt emdeý mekemesi koronavirýstan emdeýge qatysqan bolatyn. Bul Almaty, Nur-Sultan, Taldyqorǵan jáne Úsharal qalalaryndaǵy gospitaldardy paidalandyq. Sol kezde 1570-ten astam adam emdelip shyqqan bolatyn. Al 2021 jyly Almaty men Nur-Sultan gospitalderi qaitadan osy másele boiynsha tartylǵan bolatyn. bul kezde bizdiń áskeri bólimder 1750-den astam Kovid-19 diagnozymen aýyrǵan adamdardy emdep shyǵýǵa qatysqan bolatyn. Sondyqtan tájiribemiz bar. Barlyq qajetti meditsinalyq jabdyqtar, antiseptikter, maskalar, bári jetkilikti», – dedi Qarýly kúshterdiń Bas áskeri-meditsinalyq Basqarmasy, sanitarlyq-epidemologiialyq qadaǵalaý basqarmasynyń bastyǵy, meditsina qyzmetiniń polkovnigi Álibek Nyǵmetollauly.
Onyń aitýynsha, áskerlerde basqa da infektsiialyq juqpaly aýrýlar oryn alýy múmkin. Sondyqtan Qorǵanys ministrliginiń nusqaýy boiynsha, áskerlerge jedelhat joldanǵan. Onda tumaý, basqa da virýstyq infektsiialar, tynys alý joldarynyń jáne miningit siiaqty aýa tamshy infekiialarynyń aldyn alý boiynsha is-sharalardy kúsheitý jóninde talaptar qoiylǵan. Meditsina salasy, sonyń ishinde sanitarlyq-epidemologiialyq qyzmet bul máselelerdi óziniń qadaǵalaýynda ustap otyr.
Esterińizge sala keteiik, Elimizde 1 naýryzdan áskerge shaqyrý naýqany bastalǵan bolatyn. Qarýly kúshterine sáýir aiynda jas sarbazdar kelip bastaidy. Osy oraida, kúrdeli sanitarlyq-epidemologiialyq ahýal kezinde áskeri qyzmetshilerdiń densaýlyǵyn saqtaý, aldymen jaýyngerlik ázirliktiń jai-kúiine áser etetin mańyzdy másele ekeni anyq. Osy baǵytta júrgizilip jatqan jumystar týraly Qarýly kúshterdiń Bas áskeri-meditsinalyq Basqarmasy, sanitarlyq-epidemologiialyq qadaǵalaý basqarmasynyń bastyǵy, meditsina qyzmetiniń polkovnigi Álibek Manabaev jan-jaqty aityp berdi.
