«Áskeri qyzmetshilerdiń eńbegi keler urpaqqa úlgi-ónege bolady». Búgin Aqordada elimizdiń tynyshtyǵyn, Otanymyzdyń jerin, shekarasyn qorǵaý úshin qyzmet etip júrgen birqatar áskeri qyzmetshini memlekettik nagradamen marapattaý barysynda Elbasy Nursultan Nazarbaev osylai dedi. Bul týraly QazAqparat agenttigi jazady.
«Ózderińizge belgili, qalyptasqan dástúr boiynsha Otan qorǵaýshylar kúni qarsańynda jáne Ekinshi dúniejúzilik soǵystyń jeńisi qarsańynda biz kóp azamattardy, ásirese áskeri qyzmetshilerdi marapattap, tiisti shenderin beretinbiz. Búgingi kezdesýdiń máni basqa. Sebebi Táýelsizdigimizdiń 25 jyldyq merekesi, onyń ústine Qarýly Kúshterimizdiń 25 jyldyǵy. Osynaý mereili beleske erekshe erligimen kózge túsken azamattardy marapattaǵaly turmyn», - dedi Memleket basshysy.
QR Prezidenti jerdiń tutastyǵyn qorǵaý, Otannyń Táýelsizdigin qorǵaý, jan aiamai qyzmet etý áskeri qyzmetshilerdiń paryzy ekendigin ári bul qyzmetke kelip, ústine áskeri kiim kigen kezde Otan úshin janymdy beremin degen oida bolǵandyqtaryn basa aitty.
«Bereke men birligimizdiń arqasynda aspanymyz ashyq, elimiz órkendep-ósip kele jatyr. Sizder beibit ómirde de erlikke jol bar ekendigin kórsetip kelesizder. Sondyqtan men sizderdi istegen isterińiz, qyzmetterińiz úshin ár salada kórsetken erlikterińiz úshin búgin marapattaimyn», - dedi Elbasy.
Memleket basshysy búgingi marapattalǵaly otyrǵan áskeri qyzmetshilerdiń ózderiniń azamattyq, áskeri paryzdaryn abyroimen atqaryp júrgenderin atap ótti.
«El súisingen erlikterińiz, eńbekterińiz keler urpaqqa úlgi-ónege bolady. Jastar sizderge qarap boi túzeidi. Joǵary memlekettik marapatqa ie bolý sizder úshin úlken maqtanysh jáne úlken jaýapkershilik. Aldaǵy ýaqytta da bul senimniń údesinen shyǵady dep senemin», - dedi N.Nazarbaev.
.jpeg)