Jyl saiyn əskeri qyzmetke shaqyrylatyn 300 myńǵa jýyq azamattyń 40 myńynyń ǵana densaýlyǵy áskeri boryshyn óteýge jaramdy. Bul týraly QR Premer-Ministriniń orynbasary Eraly Toǵjanovqa joldanǵan senator Nurjan Nursipatovtyń depýtattyq saýalynda aitylǵan, dep habarlaidy "Ult aqparat".
«Búgingi depýtattyq saýalǵa urpaq tárbiesinde, bizdiń pikirimizshe, áli de tiisti deńgeide júrgizilmei jatqan, nazarsyz qalyp qoiǵan kúrdeli másele sebep bolyp otyr. Ol - balalarymyzǵa áskeri-patriottyq, otanshyldyq rýhta berilýge tiis tárbie. Tárbie tamyry ulttyq rýhani qundylyqtarmen, otanshyl sezimmen sýarylǵan bala ǵana erteń memlekettiń qaýipsizdigine, Táýelsizdigine alańdaityn, Otanynyń bolashyǵy úshin jaýapkershilikti moinyna ala biletin azamat bolyp ósedi. Ásker qatarynda bilimdi, bilikti sarbaz bolady. Qoǵam múddesin bárinen biik qoiatyn memlekettik qyzmetker bolady. Otandy qorǵaý-árbir Qazaqstan azamatynyń abzal boryshy. Ol eń aldymen, otnashyldyqtan, áskeri-patriottyq tárbieden bastalady», - dedi senator.
Onyń atap ótýinshe, álemde bolyp jatqan saiasi-ekonomikalyq daǵdarys, pandemiia jaǵdaiy buǵan deiin toqtatýǵa múmkin emes bolyp kóringen jahandaný úderisine tejeý boldy. Ár memleket búginde ishki máselelerine, ásirese bilim, ǵylym, meditsina, mádeniet, urpaq tárbiesine, qaýipsizdik pen qorǵanys salasyna erekshe mán bere bastady.
«Osy oraida, bizdiń memlekettiń de áskeri- patriottyq tárbiede zaman suranysyna sai óz kózqarasy men óz pedagogikalyq, sondai-aq, bolashaq sarbaz tárbieleýdegi metodikalyq tól tásilderi qalyptasýy kerek dep oilaimyz. Búgingi kúni jyl saiynǵy əskeri qyzmetke shaqyrylýǵa jatatyn azamattardyń sany 300 myńǵa jýyq bolsa, sonyń 40 myńynyń ǵana densaýlyǵy áskeri boryshyn óteýge jaramdy. Ásker qataryna shaqyrý qaǵazyn alǵan azamattardyń 25,4 paiyzy áskeri qyzmetke psihologiialyq jáne moraldyq turǵyda daiyn emes. Áskeri qyzmetke shaqyrylýdan jaltarý máselesi áli de kún tártibinen túsken joq. Al, Úkimetke Prezident Qasym-Jomart Toqaev Qazaqstan áskeriniń bedelin kóterý jóninde naqty tapsyrma bergen bolatyn. Osy oraida aitarymyz: bul jumysty nátijeli júrgizý úshin birneshe memlekettik organ jumylý kerek. Qorǵanys, Aqparat jáne qoǵamdyq damý, Bilim ján ǵylym, Mádeniet jáne sport ministrlikteri kúsh biriktirý qajet», -dedi ol
Senatordyń aitýynsha, nasihat jumysy aiasynda áskeri-patriottyq rýh, mádeniet pen ulttyq tarihty, ult batyrlaryn, óz kásibiniń sheberi bolǵan otandyq tulǵalardy nasihattaityn habarlar, filmder túsirilip, kitaptar shyǵarylyp, internet-kontent jasalýy tiis. Mundai kontenttiń qaralymy kóp, taralymy keń bolýy úshin onyń kórermenge usyný formasy da sapasy da zamanǵa sai bolýy kerek.
«Saýalymyzdyń eń mańyzdy tusy: áskeri-patriottyq tárbie máselesi qoldanystaǵy zańnamada bekitilmegendigi. «Qazaqstan Respýblikasynyń qorǵanysy jáne Qarýly Kúshteri týraly», sondai-aq «Áskeri qyzmet jáne áskeri qyzmetshilerdiń mártebesi týraly» zańdarynyń eski, 1993 jylǵy redaktsiialarynda tapsyrma retinde bekitilgen edi. Alaida, zańdardyń jańa redaktsiiasynda bul tapsyrmalar, zańǵa táýeldi normativtik quqyqtyq aktilerdiń deńgeiine túsirilgen. Osyǵan orai, áskeri-patriottyq tárbie berý jumystaryn júrgizýdi memlekettik organdardyń basty tapsyrmalarynyń biri retinde zańnamalyq turǵyda bekitý, olardyń óz-ara jumystaryn úilestirý jáne nasihattaý jumystarynda zamanaýi aqparat quraldaryn belsendi paidalaný máselelerin qarastyrýlaryńyzdy suraimyn», - dedi Nurjan Nursipatov.
