Foto: Raul Uparov
Qazaqstannyń Bas prokýrory Berik Asylov Memleket basshysynyń tapsyrmasyn oryndaý maqsatynda qaza tapqan jáne jaraqat alǵan áskeri qyzmetshilerdiń analarynyń aryz-shaǵymdaryn qabyldaý bastalatynyn habarlady, dep jazady Ult.kz.
«Bas prokýratýra men Bas áskeri prokýratýranyń basshylyǵymen qaza tapqan jáne zardap shekken áskeri qyzmetshilerdiń analary qabyldanady. Olardyń birde-bir ýáji nazardan tys qalmaidy», – dep jazdy Berik Asylov áleýmettik jelidegi paraqshasynda.
Sonymen qatar áskeri qyzmetshiler arasyndaǵy ólim men jaraqattanýdyń aldyn alý, áskeri qyzmetke shaqyrýdyń zańdylyǵy jáne meditsinalyq komissiialardyń qorytyndylarynyń negizdiligine baǵa beriletini atap ótildi.
Bul jumysqa Qorǵanys ministrligi men Ulttyq ulannyń ortalyq apparattarynyń ókilderi de tartylǵan.
