Asqar Jumaǵaliev Qazaqstannyń Niderland Koroldigindegi Tótenshe jáne Ókiletti Elshisi bolyp taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
«Asqar Qýanyshuly Jumaǵaliev Qazaqstan Respýblikasynyń Niderland Koroldigindegi Tótenshe jáne Ókiletti Elshisi, Himiialyq qarýǵa tyiym salý jónindegi uiym janyndaǵy Qazaqstan Respýblikasynyń Turaqty ókili qyzmetin qosa atqarýshy qyzmetine taǵaiyndaldy», delingen Prezident Jarlyǵynda.
Asqar Qýanyshuly Jumaǵaliev 1972 jyly 2 tamyzda Orynbor oblysynda dúniege kelgen. Sverdlovtaǵy Sývorov ýchilishesin, Harkov raketa áskerleriniń joǵary komandalyq-injenerlik ýchilishesin, Q.Sátbaev atyndaǵy Qazaq ulttyq tehnikalyq ýniversitetin, Qazaq gýmanitarlyq zań ýniversitetin bitirgen.
Lozannadaǵy Shveitsariia Federaldy tehnologiia institýtynyń elektrondy basqarý boiynsha sheber dárejesi bar (Ecole Polytechnique Federale de Lausanne - EPFL). «Jaryq» JShS bas direktory; Qazaqstan Respýblikasynyń Kólik jáne kommýnikatsiia ministrliginde Bailanys salasyndaǵy memlekettik qadaǵalaý basqarmasynyń bastyǵy, Bailanys jáne aqparattandyrý komitetiniń tóraǵasy bolyp qyzmet atqardy. Qazaqstan Respýblikasy Aqparattandyrý jáne bailanys agenttigi qurylǵan sátten bastap tóraǵa orynbasary, 2004 jyldyń qyrkúiegi men 2005 jyldyń qańtary aralyǵynda tóraǵa mindetin atqardy. 2005 jyldyń mamyrynan Qazaqstan Respýblikasy Aqparattandyrý jáne bailanys agenttigi tóraǵasynyń birinshi orynbasary. 2006 jyldyń 27 qańtarynda Qazaqstan Respýblikasy Aqparattandyrý jáne bailanys agenttiginiń tóraǵasy laýazymyna taǵaiyndaldy. 2006 jyldyń 11 qazannan 2010 jyldyń naýryzyna deiin «Qazaqtelekom» AQ Basqarmasynyń tóraǵasy. 2010 jylǵy 12 naýryzdan 2012 jylǵy 20 qańtarǵa deiin QR Bailanys jáne aqparat ministri qyzmetin atqardy.
2012 jylǵy 20 qańtarda QR Kólik jáne kommýnikatsiia ministri bolyp taǵaiyndaldy. 2014 jyldyń naýryzynan QR Aqparat jáne bailanys agenttiginiń tóraǵasy bolǵan. «Qazatomónerkásip» UAK» AQ basqarma tóraǵasy (2015-2017); Qazaqstan Respýblikasy Premer-Ministriniń orynbasary (2017-2018); Qazaqstan Respýblikasy Premer-Ministriniń orynbasary – tsifrlyq damý, qorǵanys jáne aeroǵarysh ónerkásibi ministri (2019); Qazaqstan Respýblikasynyń tsifrlyq damý, innovatsiialar jáne aeroǵarysh ónerkásibi ministri (2019-2020).
«Qazaqstan Konstitýtsiiasyna 10 jyl», «Qazaqstan Respýblikasynyń táýelsizdigine 20 jyl» mereitoilyq medaldarymen marapattaldy. 2005 jyly «Qurmetti bailanysshy» ataǵy berildi, Iu.A.Gagarin medaliniń iegeri. 2009 j. «Qurmet» ordenimen marapattaldy.
