QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev qaýipsizdik sertifikatyn ornatpaǵan adamdarda internetke qoljetimdiktiń nasharlaǵany týraly suraqtarǵa túsinik berdi, dep habarlaidy QazAqparat tilshisi.
«Bailanys sapasyna toqtalsaq, qaýipsizdik sertifikatyna bailanysty jabdyqtardy retke keltirý boiynsha jumystar bastalysymen, jelige qoljetimdik boiynsha qandai da bir problemalar bolýy múmkin degen tiisti aqparat jariialandy. Alaida bul másele ýaqytsha sipatqa ie. Qazirgi kezde bul sertifikatty ornattym jáne mende bailanyspen problema joq», - dedi A. Jumaǵaliev Ortalyq kommýnikatsiialar qyzmetindegi baspasóz máslihatynda.
Osy oraida ministr qandai da bir saýaldar týyndasa, onda Memlekettik tehnikalyq qyzmetke habarlasý kerektigin túsindirdi.
«Tiisti saýaldar bolsa, atalǵan qyzmetke habarlasý kerek, sáikesinshe barlyq máseleler sheshimin tabady degen oidamyn. Tiisti problemalar bolsa, Memlekettik tehnikalyq qyzmet qajetti kómekterin jasaidy, sondai-aq bailanys operatorlary da ózderiniń kómekterin iske asyrady», - dedi Asqar Jumaǵaliev.
Budan buryn habarlanǵandai, ministr tilshiler qaýymyna atalǵan sertifikatty smartfonyna ornatqanyn kórsetti.
