قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ قاۋٸپسٸزدٸك سەرتيفيكاتىن ورناتپاعان ادامداردا ينتەرنەتكە قولجەتٸمدٸكتٸڭ ناشارلاعانى تۋرالى سۇراقتارعا تٷسٸنٸك بەردٸ, دەپ حابارلايدى قازاقپارات تٸلشٸسٸ.
«بايلانىس ساپاسىنا توقتالساق, قاۋٸپسٸزدٸك سەرتيفيكاتىنا بايلانىستى جابدىقتاردى رەتكە كەلتٸرۋ بويىنشا جۇمىستار باستالىسىمەن, جەلٸگە قولجەتٸمدٸك بويىنشا قانداي دا بٸر پروبلەمالار بولۋى مٷمكٸن دەگەن تيٸستٸ اقپارات جارييالاندى. الايدا بۇل مەسەلە ۋاقىتشا سيپاتقا يە. قازٸرگٸ كەزدە بۇل سەرتيفيكاتتى ورناتتىم جەنە مەندە بايلانىسپەن پروبلەما جوق», - دەدٸ ا. جۇماعاليەۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى ورايدا مينيستر قانداي دا بٸر ساۋالدار تۋىنداسا, وندا مەملەكەتتٸك تەحنيكالىق قىزمەتكە حابارلاسۋ كەرەكتٸگٸن تٷسٸندٸردٸ.
«تيٸستٸ ساۋالدار بولسا, اتالعان قىزمەتكە حابارلاسۋ كەرەك, سەيكەسٸنشە بارلىق مەسەلەلەر شەشٸمٸن تابادى دەگەن ويدامىن. تيٸستٸ پروبلەمالار بولسا, مەملەكەتتٸك تەحنيكالىق قىزمەت قاجەتتٸ كٶمەكتەرٸن جاسايدى, سونداي-اق بايلانىس وپەراتورلارى دا ٶزدەرٸنٸڭ كٶمەكتەرٸن ٸسكە اسىرادى», - دەدٸ اسقار جۇماعاليەۆ.
بۇدان بۇرىن حابارلانعانداي, مينيستر تٸلشٸلەر قاۋىمىنا اتالعان سەرتيفيكاتتى سمارتفونىنا ورناتقانىن كٶرسەتتٸ.
