QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev memlekettik organdardy aqparattyq júielerdi biriktirý protsesin jedeldetýge shaqyrdy.
Onyń aitýynsha, bul azamattardyń memleketpen ózara bailanysynyń tiimdiligin jaqsartý úshin qajet.
«Sońǵy jyldary memlekettik qyzmet salasy túbegeili ózgerdi. Kóp nárse jasaldy jáne bul adamdardyń ómirin jeńildetedi. Memlekettik organdar bul baǵytta úlken jumys júrgizdi. Biraq bul keshegi jeńis. Ýaqyt ózgeredi, ári qarai qozǵalys kerek. Kóptegen mindetter bar. Sondai-aq, osy kezeńde júielerdi biriktirý protsesi júzege asady. Bizdiń ministrlik bul úderiste bailanystyrýshy desek bolady. Biz qyzmetterdi eGov portalynda bastaimyz. Biraq memlekettik organdar óz júieleri boiynsha barlyq biriktirý jumystaryn ózderi júrgizedi. Jyl sońyna deiin bekitilgen jospar boiynsha 18 memlekettik organ 196 integratsiialaý protsesin aiaqtaýy tiis. Taǵy bir aita ketetin jait, memlekettik organdar óz júielerin pysyqtap, basqa vedomstvolarmen derekter almasatyn júie qosý qajet. Jalpy bul eGov portalyndaǵy qyzmetter sanyn arttyrýǵa, olardy kórsetý merzimin jáne qajetti qujattar sanyn qysqartýǵa, sondai-aq belsendi servisterdi iske qosýǵa múmkindik beredi», - dep jazdy ministr Facebook paraqshasynda.
Bul rette, «Tsifrlyq Qazaqstan» baǵdarlamasy aiasynda birqatar jumystar júzege asyp jatyr.
Ministrdiń aitýynsha, qazirgi ýaqytta eger bir azamat tegin ózgertetin bolsa, jyljymaityn múligin de qaita tirkeýden ótkizýi kerek. Sonymen birge kóshe ataýy ózgergen jaǵdaida turǵyn úi ieleri qaita tirkeýden ótýi kerek. Al bul protsester adami faktordyń kómeginsiz avtomatty túrde bolýy kerek.
«Biriktirý úderisteri aiaqtalyp, zańnamaǵa ózgerister engizilgen soń jyl sońyna deiin osyndai múmkindikter paida bolady», - deidi Asqar Jumaǵaliev.
Sondai-aq, ministr memlekettik organdar biyl josparlanǵan 196 biriktirý jumysynyń 69-yn aiaqtaǵanyn jáne 127-i áli de júzege asyp jatqanyn atap ótti.
