قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ مەملەكەتتٸك ورگانداردى اقپاراتتىق جٷيەلەردٸ بٸرٸكتٸرۋ پروتسەسٸن جەدەلدەتۋگە شاقىردى.
ونىڭ ايتۋىنشا, بۇل ازاماتتاردىڭ مەملەكەتپەن ٶزارا بايلانىسىنىڭ تيٸمدٸلٸگٸن جاقسارتۋ ٷشٸن قاجەت.
«سوڭعى جىلدارى مەملەكەتتٸك قىزمەت سالاسى تٷبەگەيلٸ ٶزگەردٸ. كٶپ نەرسە جاسالدى جەنە بۇل ادامداردىڭ ٶمٸرٸن جەڭٸلدەتەدٸ. مەملەكەتتٸك ورگاندار بۇل باعىتتا ٷلكەن جۇمىس جٷرگٸزدٸ. بٸراق بۇل كەشەگٸ جەڭٸس. ۋاقىت ٶزگەرەدٸ, ەرٸ قاراي قوزعالىس كەرەك. كٶپتەگەن مٸندەتتەر بار. سونداي-اق, وسى كەزەڭدە جٷيەلەردٸ بٸرٸكتٸرۋ پروتسەسٸ جٷزەگە اسادى. بٸزدٸڭ مينيسترلٸك بۇل ٷدەرٸستە بايلانىستىرۋشى دەسەك بولادى. بٸز قىزمەتتەردٸ eGov پورتالىندا باستايمىز. بٸراق مەملەكەتتٸك ورگاندار ٶز جٷيەلەرٸ بويىنشا بارلىق بٸرٸكتٸرۋ جۇمىستارىن ٶزدەرٸ جٷرگٸزەدٸ. جىل سوڭىنا دەيٸن بەكٸتٸلگەن جوسپار بويىنشا 18 مەملەكەتتٸك ورگان 196 ينتەگراتسييالاۋ پروتسەسٸن اياقتاۋى تيٸس. تاعى بٸر ايتا كەتەتٸن جايت, مەملەكەتتٸك ورگاندار ٶز جٷيەلەرٸن پىسىقتاپ, باسقا ۆەدومستۆولارمەن دەرەكتەر الماساتىن جٷيە قوسۋ قاجەت. جالپى بۇل eGov پورتالىنداعى قىزمەتتەر سانىن ارتتىرۋعا, ولاردى كٶرسەتۋ مەرزٸمٸن جەنە قاجەتتٸ قۇجاتتار سانىن قىسقارتۋعا, سونداي-اق بەلسەندٸ سەرۆيستەردٸ ٸسكە قوسۋعا مٷمكٸندٸك بەرەدٸ», - دەپ جازدى مينيستر Facebook پاراقشاسىندا.
بۇل رەتتە, «تسيفرلىق قازاقستان» باعدارلاماسى اياسىندا بٸرقاتار جۇمىستار جٷزەگە اسىپ جاتىر.
مينيستردٸڭ ايتۋىنشا, قازٸرگٸ ۋاقىتتا ەگەر بٸر ازامات تەگٸن ٶزگەرتەتٸن بولسا, جىلجىمايتىن مٷلٸگٸن دە قايتا تٸركەۋدەن ٶتكٸزۋٸ كەرەك. سونىمەن بٸرگە كٶشە اتاۋى ٶزگەرگەن جاعدايدا تۇرعىن ٷي يەلەرٸ قايتا تٸركەۋدەن ٶتۋٸ كەرەك. ال بۇل پروتسەستەر ادامي فاكتوردىڭ كٶمەگٸنسٸز اۆتوماتتى تٷردە بولۋى كەرەك.
«بٸرٸكتٸرۋ ٷدەرٸستەرٸ اياقتالىپ, زاڭناماعا ٶزگەرٸستەر ەنگٸزٸلگەن سوڭ جىل سوڭىنا دەيٸن وسىنداي مٷمكٸندٸكتەر پايدا بولادى», - دەيدٸ اسقار جۇماعاليەۆ.
سونداي-اق, مينيستر مەملەكەتتٸك ورگاندار بيىل جوسپارلانعان 196 بٸرٸكتٸرۋ جۇمىسىنىڭ 69-ىن اياقتاعانىن جەنە 127-ٸ ەلٸ دە جٷزەگە اسىپ جاتقانىن اتاپ ٶتتٸ.
