QR Premer-Ministri Asqar Mamin «Premer-Ministrdiń, Premer-Ministrdiń orynbasarlarynyń jáne Qazaqstan Respýblikasy Premer-Ministri Keńsesiniń basshysynyń arasynda mindetterdi bólý týraly» ókimge qol qoidy, dep habarlaidy "Ult aqparat" QR Úkimetiniń baspasóz qyzmetine silteme jasap.
Premer-Ministrdiń jetekshiligine — ekonomikalyq, qarjylyq, qazynalyq jáne keden saiasaty, memlekettik biýdjetke qatysty strategiialyq máseleler, memleketaralyq qarym-qatynastar men halyqaralyq yntymaqtastyq, sheteldik investitsiialar tartý jáne investitsiialyq ahýaldy jaqsartý, memlekettik aktivterdi basqarý máseleleri kiredi. Sonymen qatar mindetteri qataryna qorǵanys-ónerkásip kesheni, ǵarysh qyzmeti, týrizm, bailanys, salalardy tsifrlandyrý jáne tsifrlyq ekonomikany damytý, memlekettik organdardyń ákimshilik reformalaryn iske asyrý jáne basqalary kiredi.
Premer-Ministrdiń Birinshi Orynbasary Álihan Smaiylovtyń qyzmet salasyna qarjy sektorynyń, makroekonomikalyq saiasat, biýdjet, salyq jáne keden saiasaty, memlekettik josparlaý júiesi, saýda saiasaty, shaǵyn jáne orta kásipkerlikti damytý máseleleri kiredi. Á. Smaiylovtyń quzyretine sonymen qatar memlekettik-jekemenshik áriptestikti damytý máseleleri, onyń ishinde kontsessiialar, tabiǵi monopoliialardy retteý, básekelestikti damytý jáne tutynýshylardyń quqyǵyn qorǵaý, tarif saiasaty jáne basqalary kiredi.
Premer-Ministrdiń orynbasary Gúlshara Ábdiqalyqovaǵa bilim men ǵylymdy damytý, densaýlyq saqtaý, áleýmettik saiasat jáne jańǵyrtý, jumyspen qamtý, memleket pen azamattyq qoǵamnyń árekettestigi, memlekettik jastar jáne otbasy saiasaty, rýhani jańǵyrý, konfessiiaaralyq jáne etnosaralyq kelisimdi qamtamasyz etý, mádeniet jáne sportty damytý jáne basqalary júkteldi.
Premer-Ministrdiń orynbasary Jeńis Qasymbek ekonomikany jáne óńirlik saiasatty jedel basqarý, kólik infraqurylymyn jáne logistikany damytý, qurylys jáne turǵyn úi-kommýnaldyq sharýashylyǵyn jańǵyrtý, energiia únemdeýdi damytý jáne jańartylatyn energiia kózderiniń energiia tiimdiligin arttyrý, kómir ónerkásibi, atom ónerkásibi jáne iadrolyq energetika máselelerin úilestiredi. Onyń mindetteriniń qataryna sonymen qatar ónerkásipti damytý, innovatsiialar, tehnikalyq retteý, elektr energetikasy, geologiia jáne jer qoinaýyn paidalaný, munai himiiasy jáne eksporttyq baqylaý, altyn óndirý salasy, taýarlardy satyp alý kezinde qazaqstandyq qamtý úlesin arttyrý boiynsha memlekettik saiasatty iske asyrý, tótenshe jaǵdailar jáne jumysty jumyldyrý, jylytý maýsymyna ázirlik jáne ony ótkizý jáne basqalary kiredi.
Premer-Ministr Keńsesiniń basshysy Darhan Káletaev Premer-Ministrdiń jáne Úkimettiń qyzmetin aqparattyq-saraptamalyq, quqyqtyq, uiymdastyrýshylyq, hattamalyq, qujattyq, materialdyq-tehnikalyq jáne basqa da qamtamasyz etýge jaýapty. Onyń fýnktsiialaryna sonymen qatar ortalyq jáne jergilikti atqarýshy organdardyń, vedomstvolardyń jumysyn Úkimettiń sheshimderin ázirleý jáne olardyń oryndalýyn uiymdastyrý boiynsha úilestirý, memlekettik jáne atqarýshylyq tártipti oryndaý máseleleri boiynsha, memlekettik qupiialardy saqtaý jáne aqparattyq qaýipsizdikti qamtamasyz etý jáne basqalary kiredi.
