Túrkistan qalasyna jumys sapary aiasynda QR Premer-Ministri Asqar Mamin qalany damytý máseleleri jóninde keńes ótkizdi, dep habarlaidy "Ult aqparat" primeminister.kz saityna silteme jasap.
Atqarylyp jatqan jumystar barysy týraly Túrkistan oblysynyń ákimi Ó. Shókeev, mádeniet jáne sport ministri A. Raiymqulova, Atyraý oblysynyń ákimi N. Noǵaev, Aqtóbe oblysynyń ákimi O. Orazalin, Shymkent qalasynyń ákimi E. Aitahanov, sondai-aq basqa óńirler men qala qurylysyna jaýapty merdigerler ókilderi baiandady.
«Tuńǵysh Prezident – Elbasy N. Nazarbaev jáne Memleket basshysy Q. Toqaev Túrkistan qalasynyń damýyna erekshe kóńil bólip otyr. Biyl 4-5 qarasha kúnderi Elbasynyń qatysýymen Túrkistanda birqatar salynǵan nysandar ashyldy. Kelesi jyldyń kúzinde munda Ortalyq Aziia memleketteri basshylarynyń sammiti ótedi. Osyǵan bailanysty biz qajetti nysandardyń qurylysynyń tolyq aiaqtalýyn qamtamasyz etýimiz kerek», - dedi A. Mamin.
Premer-Ministr 630 tósek-orynǵa shaqtalǵan kópsalaly oblystyq aýrýhana qurylysy júrgiziletin jerge kapsýla saldy. Jobany 2022 jyly memlekettik-jekeshelik áriptestik aiasynda «YDA Holding» túrik investory júzege asyratyn bolady. Nysannyń quny - 100 mlrd teńgege jýyq, 350 dárigerdi qosa alǵanda, meditsina personaly úshin 1700-ge jýyq jańa jumys orny qurylady.
Úkimet basshysy sonymen qatar «Sembol construction» túrik kompaniiasy salatyn, quny 39 mlrd teńgege jýyq bolatyn «Kerýen-sarai» kópfýnktsionaldy týristik keshen qurylysyn iske qosty.
A. Mamin Túrkistan qalasyndaǵy Halyqaralyq áýejaidyń jáne oǵan aparatyn avtomobil jolynyń qurylysyn, sondai-aq amfiteatrdyń, drama teatrynyń, oblystyq ǵylymi-ámbebap kitaphananyń, «Uly dala Eli» ortalyǵynyń, Q.A. Iassaýi mýzeiiniń, Uly Jibek joly qolónershiler Ulttyq ortalyǵy men kelý ortalyǵy ǵimarattarynyń rekonstrkýtsiiasyn tekserdi.
