Úkimet basshysy Asqar Mamin Taraz qalasynyń kárizdik tazartý júiesin jańǵyrtý máselesine qatysty túsinikteme berdi, dep habarlaidy "Ult aqparat".
Májilis depýtattary Premer-Ministrdiń atyna joldaǵan saýalda «TÚKSh QazOrtalyǵy» AQ jalpy somasy 104,3 mlrd teńge turatyn 11 jobanyń 2 tehnika-ekonomikalyq negizdemesin ázirlegenin aita kelip, tizimdegi 11 qalanyń ishinde 357,7 myń turǵyny bar Taraz qalasynyń kirmei qalǵanyn másele etip kótergen edi. Asqar Mamin óz jaýabynda Taraz qalasy jobalardyń alǵashqy pýlyna enetinin aityp otyr.
«Sý sektoryn reformalaǵannan keiin kommýnaldyq kásiporyndar ornyqty jáne biýdjettik sýbsidiialarǵa táýelsiz uiymdar retinde óz áleýetin iske asyra alady. Búgingi tańda jalpy sý arnalaryn basqarýǵa konkýrstyq rásimderdiń qorytyndylary boiynsha anyqtalatyn otandyq, sondai-aq halyqaralyq kompaniialar qyzyǵýshylyq tanytyp otyr.
Qazirgi ýaqytta jobalar pýlyn qalyptastyrý boiynsha jumys júrgizilýde. Onda Taraz qalasynda KTI jobasyn iske asyrý birinshi kezektegi jobalardyń biri bolady. Bul shamamen 358 myń adamdy aǵyndy sýlardan tazartýmen qamtamasyz etýge múmkindik beredi. KTI jobalaryn iske asyrýdyń josparlanyp otyrǵan modeli Qazaqstan Respýblikasyn aýmaqtyq damytý jónindegi ulttyq jobada bekitiledi», - dedi Premer-Ministr.
Dúniejúzilik bank Qazaqstanǵa kárizdik tazartý júiesin naryqtyq qarjylandyrýǵa kezeń-kezeńmen kóshýdi usynyp otyr.
