Eýraziialyq damý bankiniń Keńesi QR Premer-Ministri Asqar Mamindi Keńestiń Tóraǵasy retinde sailady. Qazaqstan Respýblikasynyń Premer-Ministri Asqar Maminniń tóraǵalyǵymen Eýraziialyq damý banki (EADB) Keńesiniń otyrysy ótti.
Otyrys jumysyna EADB Keńesiniń músheleri: Resei Federatsiiasynyń Úkimeti Tóraǵasynyń Birinshi Orynbasary – RF qarjy ministri A. Silýanov, Qazaqstan Respýblikasynyń Premer-Ministriniń Birinshi Orynbasary – qarjy ministri Á. Smaiylov, Armeniia Respýblikasynyń vitse-premeri M. Grigorian, Belarýs Respýblikasynyń qarjy ministri M. Ermolovich, Qyrǵyz Respýblikasynyń qarjy ministri B. Jeenbaeva, Tájikstan Respýblikasynyń qarjy ministri F. Kahhorzoda qatysty.
Otyrys barysynda Banktiń 2018 jyldaǵy jumysynyń qorytyndysy shyǵaryldy, Eýraziialyq ekonomikalyq odaqqa múshe memleketter arasyndaǵy saýda-ekonomikalyq bailanystar men investitsiialyq qyzmetti damytýǵa járdemdesýge baǵyttalǵan integratsiialyq jobalardy iske asyrý máseleleri qaraldy.
Búginde Bank qorjyny $3,5 mlrd somasyna 85 jobadan turady. Barlyq jobalardyń 40%-ǵa jýyǵy Qazaqstan aýmaǵynda iske asyrylyp jatyr. 2018 jyly EADB $1,4 mlrd somasyna 29 jańa jobany maquldady, sonyń ishinde Pavlodar oblysynda 197 mln evro somasyna «Bogatyr Kómir» JShS óndiristik protsesterin jańǵyrtý, Almaty oblysynda 32 mlrd teńgege «Nur Joly» avtokólik ótkizý pýnktiniń qurylysy, Túrkistan oblysynda 22 mlrd teńgege sý elektr stantsiiasyn salý jobalary bar. 2019 jyly Ereimentaý qalasynyń aýdanynda qýattylyǵy 50 MVt bolatyn jel elektr stantsiiasynyń qurylysy qarjylandyrylady.
Banktiń tabysty jumysynyń nátijeleri boiynsha biyl naýryz aiynda Standard&Poor's halyqaralyq agenttigi «BBB» deńgeiine deiin Eýraziialyq damý bankiniń nesie reitingin arttyrdy.
Qazaqstannyń Premer-Ministri A. Mamin EADB Eýraziialyq ekonomikalyq odaqqa múshe memleketterdiń yntymaqtastyǵyn damytýǵa jáne birlesken jobalardy qarjylandyrýǵa óz úlesin qosatynyn atap ótti.
«Ortaq mindet – bizdiń integratsiialyq investitsiialyq jobalardyń tiimdiligin arttyrý», — dedi A. Mamin.
