.jpg)
QR Premer-Ministri Asqar Mamin beinekonferentsiia bailanysy rejiminde Qazaqstannyń tóraǵalyǵymen Shanhai yntymaqtastyq uiymynyń (ShYU) Úkimet basshylary keńesiniń (ÚBK) mereitoilyq 20-otyrysyna qatysty, dep habarlaidy QR Úkimetiniń baspasóz qyzmeti.
Úkimet basshysy ShYU-ǵa múshe memleketterdiń kópjaqty saýda-ekonomikalyq yntymaqtastyǵy baǵdarlamasyn iske asyrý boiynsha biyl qol jetkizilgen eleýli ilgerileýdi atap ótti. 2021 jyldyń 7 aiynda ShYU aiasynda ózara taýar ainalymynyń kólemi 40%-ǵa jýyq ulǵaidy.
Qazaqstannyń Uiym elderimen taýar ainalymy biylǵy qańtar-qyrkúiek ailarynda 2020 jyldyń sáikes kezeńimen salystyrǵanda 19,1%-ǵa ósip, $36,5 mlrd qurady. Bul kórsetkish sondai-aq pandemiiaǵa deiingi 2019 jyl kezeńindegi kórsetkishten 22,1%-ǵa ($29,9 mlrd) joǵary.
A. Mamin ShYU-ǵa múshe memleketter arasynda aýyl sharýashylyǵy ónimderiniń saýdasyn yntalandyrý, ShYU-ǵa múshe memleketterdiń azyq-túlik qaýipsizdigi jónindegi yntymaqtastyq baǵdarlamasyn jáne ony iske asyrý josparyn jedel ári kezeń-kezeńimen oryndaýdy qamtamasyz etý qajet ekenin atap ótti. Pandemiiaǵa qaramastan, 2020 jyly ShYU aiasynda AÓK ónimderiniń taýar ainalymy 12,4%-ǵa artyp, $15,4 mlrd qurady.
QR Premer-Ministri ShYU-ǵa múshe memleketterdiń azyq-túlik qaýipsizdigi rezervin jáne azyq-túlik salasyndaǵy investitsiialyq qordy qurý múmkindigin qarastyrýdy, sondai-aq «ShYU-nyń jasyl beldeýi» baǵdarlamasyn iske asyrý jumysyn jandandyrýdy usyndy.
ShYU-ǵa qatysýshy elderdiń ózara saýda áleýetin tolyqqandy iske asyrý maqsatynda Úkimet basshysy Qazaqstan tarapy bastamashylyq etken Eýraziialyq saýda jáne taýar ótkizý júiesine asa belsendi integratsiialaný múmkindigin qarastyrýdy usyndy.
Premer-Ministr ShYU-nyń tranzittik-kólik áleýetin iske asyrýdaǵy eleýli ilgerileýdi atap ótti. Biylǵy jyldyń 10 aiynda Qazaqstan aýmaǵy arqyly Ortalyq Aziia, Parsy shyǵanaǵy elderi, Eýropa, Qiyr Shyǵys baǵyttary, sondai-aq Transkaspii baǵyty boiynsha shamamen 883,2 myń JFE tasymaldandy, bul ótken jyldyń sáikes kezeńindegiden 25%-ǵa artyq. Qytai – Eýropa – Qytai baǵytyndaǵy tranzittik konteiner tasymaldarynyń kólemi 36%-ǵa ósip, 604,5 myń JFE qurady.
«Bir beldeý, bir jol» bastamasyn, aimaqtaǵy eń iri tranzittik hab retinde respýblikanyń áleýetin, sondai-aq ShYU-nyń 2025 jylǵa deiingi Damý strategiiasy sheńberinde kólik infraqurylymyn damytý boiynsha mindetterdi júzege asyrý maqsatynda Qazaqstan Úkimetiniń baǵdarlamalaryn odan ári iske asyrý bizdiń elderimizdi odan ári integratsiialaý jáne biz óndiretin qunnyń úshinshi elder naryqtaryna shyǵý áleýetin arttyrý úshin berik negiz quraidy», — dedi A. Mamin.
Úkimet basshysy QHR-men shekaradaǵy temir joldardaǵy qazirgi jaǵdai tranzittik-kólik aǵynyn odan ári arttyrýǵa qater tóndiretinin atap ótti. QR Premer-Ministri qytailyq áriptesterden júk aǵyndaryn qalpyna keltirý jáne ulǵaitý boiynsha jedel sharalar qabyldaýdy qarastyrýdy surady, bul búkil aimaq boiynsha saýda-sattyq kólemine oń áserin tigizetin bolady.
Otyrysqa Úndistannyń syrtqy ister ministri Sýbramaniam Djaishankar, QHR Memlekettik keńesiniń premeri Li Ketsian, Qyrǵyzstan ministrler kabinetiniń tóraǵasy – Prezidenti ákimshiliginiń basshysy Aqylbek Japarov, Resei Úkimetiniń Tóraǵasy Mihail Mishýstin, Pákistan syrtqy ister ministri Mahmýd Shah Kýreshi, Tájikstan Premer-Ministri Kohir Rasýlzoda, Ózbekstan Premer-Ministri Abdýlla Aripov, Belarýs Premer-Ministri Roman Golovchenko, Mońǵoliia Premer-Ministri Lývsannamsrain Oiýýn-Erdene, Irannyń birinshi vitse-prezidenti Mohammad Mohber, Túrikmenstan ministrler kabineti tóraǵasynyń orynbasary Serdar Berdymýhamedov jáne t. b. qatysty.
ShYU-ǵa múshe memleketter arasyndaǵy saýda-ekonomikalyq jáne mádeni-gýmanitarlyq salalardaǵy yntymaqtastyqty tereńdetý sharalary talqylandy. ShYU Iskerlik keńesi men Bankaralyq birlestiginiń 2020-2021 jyldardaǵy qyzmeti, uiymnyń 2022 jylǵa arnalǵan biýdjeti jáne ShYU-nyń turaqty jumys isteitin organdarynyń qarjylyq jáne uiymdastyrýshylyq qyzmetine bailanysty basqa da máseleler qaraldy. Birlesken kommiýnike men ShYU Tehnoparkter pýlyn qurý tujyrymdamasy qabyldandy.
