QR Premer-Ministri Asqar Mamin Eýraziialyq úkimetaralyq keńes (EÚAK) otyrysyna jáne «Digital Almaty» forýmyna qatysý úshin Almaty qalasyna kelgen RF Úkimetiniń Tóraǵasy Mihail Mishýstinmen ekijaqty kezdesý ótkizdi. Bul týraly QR Úkimetiniń resmi saitynda habarlandy.
Taraptar saýda-ekonomikalyq, qarjy-investitsiialyq, energetika, kólik-logistikalyq, geologiialyq, áskeri-tehnikalyq salalardaǵy, sondai-aq ónerkásiptik kooperatsiia, AÓK, transshekaralyq ózenderdiń sý resýrstaryn paidalaný jáne qorǵaý salalaryndaǵy ekijaqty yntymaqtastyqty odan ári arttyrý máselelerin talqylady. Eýraziialyq ekonomikalyq odaq formatyndaǵy ózara is-qimyldyń ózekti máseleleri qaraldy.
COVID-19 taralýyna qarsy kúres jónindegi birlesken sharalarǵa jáne eki eldiń ekonomikasy úshin pandemiia zardaptaryn, onyń ishinde ekonomikalyq yntymaqtastyqtyń 2021-2025 jyldarǵa arnalǵan keshendi baǵdarlamasyn daiyndaý jáne iske asyrý jolymen joiýǵa erekshe nazar aýdaryldy. Resei — Qazaqstannyń negizgi saýda seriktesteriniń biri. 2020 jyly ekijaqty taýar ainalymy $18 mlrd asty.
