QR Premer-Ministri Asqar Mamin Minsk qalasyna sapary aiasynda Belarýs Respýblikasynyń Prezidenti Aleksandr Lýkashenkomen kezdesý ótkizdi jáne Eýraziialyq úkimetaralyq keńestiń (EAÚK) otyrystaryna qatysty.
Bul týraly QR Úkimetiniń resmi saitynda habarlandy.
Belarýs Respýblikasynyń Prezidenti A. Lýkashenkomen kezdesý barysynda saýda-ekonomikalyq, indýstriialyq, aýyl sharýashylyǵy, tsifrlyq salalardaǵy, sondai-aq Eýraziialyq ekonomikalyq odaq aiasyndaǵy eki eldiń yntymaqtastyǵynyń ózekti máseleleri talqylandy.
EÚAK otyrysynda sóz sóilegen Qazaqstan Úkimetiniń basshysy ózara is-qimyldyń problemaly máselelerin sheshý úshin ýaqytyly ári sapaly aqparat almasý maqsatynda veterinarlyq, sanitarlyq, fitosanitarlyq, kólik jáne kedendik baqylaý salalaryndaǵy ulttyq júielerdiń integratsiiasyn jedeldetý qajettigin atap ótti.
Qazirgi kezge deiin EAEO integratsiialanǵan aqparattyq júiesin damytý aiasynda 88 ortaq úrdis ázirlendi, onyń ishinde tek 19 (21%) iske qosylǵan.
Úkimet basshysy ózara jetkizýlerdi EAEO óndirýshi kásiporyndaryn osyǵan deiin ulttyq rejimdi usyný týraly kelisimge qol jetkizilgen memlekettik satyp alýlarǵa barynsha tolyq tartý esebinen arttyrý múmkin bolatynyn atap aitty.
Premer-Ministr 2018 jyly aqpan aiynda Eýraziialyq ekonomikalyq komissiia qurylymynda qurylǵan «Tsifrlyq ofis» jumysyn kúsheitý qajettigin atap ótti. 78 tsifrlyq bastamadan tek 14-ine (18%) qoldaý bildirilgen, 20-sy aiaqtalý ústinde (40-y qabyldanbaǵan, 4-ýi qarastyrylýda).
Otyrysqa qatysýshylar EAEO ishki naryǵynyń jumysy aiasynda kedergilerdi joiý, arnaiy qorǵanysh, dempingke qarsy jáne ótemdik sharalardy qoldaný tetikterin jetildirý, sáikestendirý quraldary arqyly taýarlardy tańbalaý júiesin odan ári damytý, gaz, munai jáne munai ónimderiniń ortaq naryǵyn qalyptastyrý, sondai-aq basqa da máseleler boiynsha atqarylyp jatqan jumys barysyn qarastyrdy.
Otyrys qorytyndysy boiynsha «Jerdi qashyqtan zondtaý ulttyq derekter kóziniń negizinde ǵaryshtyq jáne geoaqparattyq ónimder men qyzmetterdi óndirý jáne usyný boiynsha Eýraziialyq ekonomikalyq odaqqa múshe memleketterdiń kiriktirilgen júiesi» memleketaralyq baǵdarlamasy qabyldandy. Baǵdarlama jerserikterdiń qoldanystaǵy jáne perspektivaly toptamalarynyń resýrstaryn biriktirýdi, ortasha jáne joǵary sheshimdi ǵarysh apparattarynyń bazasynda Jerdi qashyqtan zondtaý (JQZ) birlesken ǵarysh júiesiniń jáne ǵaryshtan túsirýdiń biryńǵai derekter bankin qurýdy qarastyrady, olardy ázirleý jáne óndirýdi EAEO elderiniń kásiporyndarynyń kooperatsiiasy júzege asyratyn bolady.
EÚAK EAEO-ǵa múshe memleketterdiń aýmaqtarynda COVID-19 koronavirýs infektsiiasynyń jáne basqa da infektsiialyq aýrýlardyń taralýyna jol bermeý boiynsha turǵyndardyń sanitarlyq-epidemiologiialyq saýlyǵyn jáne densaýlyǵyn saqtaý salasyndaǵy is-sharalardyń keshendi josparyn bekitip, EAEO agroindýstriiasyn damytý jáne indýstriialandyrý kartasyn ázirleý týraly ókim jasasty, sondai-aq 2021 jyldyń 1 naýryzynan bastap keden operatsiialaryn elektrondy túrde jasaǵan jaǵdaida kólik, kommertsiialyq jáne basqa da qujattarda keden organdarynyń belgilerin qoimaý týraly sheshim qabyldady.
QR Premer-Ministri A. Mamin Belarýs Premer-Ministri R. Golovchenkomen, Qyrǵyzstan Premer-Ministri K. Boronovpen, Resei Úkimetiniń Tóraǵasy M. Mishýstinmen jáne Moldova Premer-Ministri I. Kikýmen ekijaqty kelissóz ótkizdi.
