QR Premer-Ministri Asqar Mamin Densaýlyq saqtaý ministrliginiń memlekettik shekarada baqylaýdy kúsheitý usynysyn qoldady, dep habarlaidy QazAqparat.
«Jalpy epidemiologiialyq jaǵdai turaqty kúide saqtalyp tur. Statsionarlyq jáne ambýlatorlyq emdeýdegi naýqastar sany aitarlyqtai azaidy. Infektsiialyq aýrýhanalardaǵy oryndar 29 paiyzǵa, al reanimatsiialyq oryndar 23 paiyzǵa tolyq. «Qyzyl» aimaqta Soltústik Qazaqstan oblysy ǵana qalyp otyr, 5 óńir – «sary» aimaqta, 11 – «jasyl» aimaqta. Basqa elderde koronavirýstyń «Omikron» degen jańa shtammynyń paida bolǵanyn eskere otyryp, Memlekettik shekarada baqylaýdy kúsheitý týraly Densaýlyq saqtaý ministrliginiń usynysyn qoldaimyn», - dedi Asqar Mamin Úkimet otyrysynda.
Premer-Ministr el ishinde de epidemiologiialyq jaǵdai únemi baqylaýda bolýy qajettigin, ǵimarattar men kólikte maska kiiý, áleýmettik araqashyqtyqty saqtaý jalǵasý tiistigin basa aitty.
«Halyqty vaktsinalaýmen jáne revaktsinalaýmen tiisinshe qamtamasyz etý kerek. Qazirgi ýaqytta shamamen 8,8 mln adam birinshi komponentti saldyrdy, bul 18 jastan asqan adamdardyń 76,6 paiyzy jáne 8 millionnan astam adam ekinshi komponentti saldyrdy, bul – 70,8 paiyz. Biraq bul ujymdyq immýnitetti qalyptastyrý úshin áli jetkiliksiz. Densaýlyq saqtaý ministrligine Aqparat ministrligimen jáne ákimdiktermen birlesip, osy baǵyttaǵy jumysty kúsheitýdi tapsyramyn», - degen Premer-Ministr jalpy baqylaýdy orynbasary Eraly Toǵjanovqa júktedi.
