QR Premer-Ministri Asqar Mamin Qyrǵyz Respýblikasynyń syrtqy ister ministri Rýslan Qazaqbaevty qabyldady, dep habarlaidy "Ult aqparat" primeminister.kz-ke silteme jasap.
Úkimet basshysy 2020-2022 jyldarǵa arnalǵan Qazaqstan men Qyrǵyzstan arasyndaǵy yntymaqtastyqtyń keshendi baǵdarlamasynyń tarmaqtaryn qosa alǵanda, elder arasynda buǵan deiin qol jetkizilgen ýaǵdalastyqtardy iske asyrýdyń mańyzdylyǵyn atap ótti.
Taraptar eki eldiń saýda-ekonomikalyq, investitsiialyq, tranzit-kólik, logistika, sý-energetika salalaryndaǵy yntymaqtastyǵynyń jai-kúii men perspektivalaryn, sondai-aq pandemiianyń teris saldaryn azaitýdaǵy ózara is-qimylyn talqylady.
Kezdesýge QR syrtqy ister ministri M. Tileýberdi qatysty.
Eske sala ketsek, Qazaqstannyń Syrtqy ister ministri Muhtar Tileýberdi Nur-Sultan qalasyna jumys saparymen kelgen Qyrǵyz Respýblikasynyń Syrtqy ister ministri Rýslan Qazaqbaevpen kelissóz ótkizdi.
