Ministrler kabinetiniń basshysy Asqar Mamin koronavirýsqa shaldyqqany týraly aqparat – jalǵan. Bul týraly Úkimet basshysynyń baspasóz qyzmeti habarlady.
«Jekelegen Telegram-kanaldarda jariialanǵan Premer-Ministr Asqar Maminde koronavirýs anyqtalǵany jónindegi aqparat feik bolyp tabylady jáne shyndyqqa janaspaidy.
Qazirgi ýaqytta Úkimet basshysy kestege sai jumysyn jalǵastyrýda jáne 10 shilde kúni Memleket basshysynyń qatysýymen ótetin QR Úkimetiniń keńeitilgen otyrysyna daiyndyq júrgizýde. Premer-Ministrdiń baspasóz qyzmeti r esmi derekkózderdiń aqparatyna ǵana senýge shaqyrady», - delingen málimette.
