QR Premer-Ministri Asqar Maminniń tóraǵalyǵymen beinekonferentsiia bailanysy rejiminde Eýraziialyq damý banki (EADB) Keńesiniń otyrysy ótti, – dep habarlaidy Úkimet basshysynyń baspasóz qyzmeti.
Otyrysqa bank aktsionerleriniń ókiletti ókilderi: Armeniiadan qarjy ministriniń orynbasary Armen Airapetian, Belarýsten qarjy ministri Iýrii Seliverstov jáne ekonomika ministri D. Krýtoi, Qyrǵyzstannan qarjy ministri Baqtygúl Jeenbaeva, Reseiden qarjy ministri Anton Silýanov, Tájikstannan qarjy ministri Faiziddin Kahhorzoda qatysty. Otyrysty ashqan Asqar Mamin jaqynda EADB basqarma tóraǵasy qyzmetinen ketken Andrei Belianinovqa nátijeli jumysy úshin alǵys aityp, jańadan taǵaiyndalǵan Bank basshysy Nikolai Podgýzovqa tabys tiledi.
Otyrys barysynda Keńes EADB Tsifrlyq bastamalar qory týraly erejeni bekitti. Jańa Qordyń maqsaty — Eýraziialyq ekonomikalyq odaqtyń 2025 jylǵa deiingi tsifrlyq kún tártibiniń negizgi baǵyttary aiasynda iske asyrylatyn, onyń ishinde jobalardy ázirleýge jáne qarjylandyrýǵa qatysý jáne aqparattyq resýrstardy integratsiialaý arqyly tsifrlyq transformatsiia quraldary men tájiribelerin qalyptastyrýǵa Bankke qatysýshy elderge kómek kórsetý.
Halyqaralyq damý bankteriniń úzdik tájiribelerine sáikes EADB Keńesi janynan Kadrlar jónindegi komitet quryldy, ol týraly ereje Keńes otyrysy aiasynda bekitildi. Keńes Eýraziialyq damý bankiniń 2019 jylǵy jumysyn qorytyndylady – EADB qazirgi investitsiialyq portfeli $4,3 mlrd deiin 25,6%-ǵa ulǵaidy. Balanstyq portfel 31%-ǵa $2,8 mlrd deiin ósti. Portfelinde eń kóp úlesi bar elder — Resei (45,7%) jáne Qazaqstan (40,1%). 2019 jyldyń qorytyndysy boiynsha aǵymdaǵy investitsiialyq portfeldiń salalyq qurylymy ózgergen joq – eń úlken úles energetikadaǵy (21,1%), kóliktegi (18,9%), qarjy sektoryndaǵy (18,7%) jobalarǵa tiesili. 2019 jyly jalpy somasy $1,3 mlrd bolatyn 27 jańa joba boiynsha kelisimge qol qoiyldy. B
ank barlyq qatysýshy memleketterde óziniń qatysýyn belsendi túrde damytyp, qoldanystaǵy strategiiany eskere otyryp, ulttyq damý jobalary men eleýli integratsiialyq tiimdiligi bar jobalardy qarjylandyrýdy júzege asyrdy. Bank portfelindegi integratsiialyq jobalardyń úlesi maqsatty mánnen asyp, 54,4%-ǵa jetti. Banktiń qaryz alýynyń jiyntyq kólemi $2,6 mlrd qurady. 2019 jyly EADB jalpy somasy 80 mlrd teńgege bes obligatsiia shyǵarylymyn, jalpy somasy 23 mlrd rýblge bes obligatsiia shyǵarylymyn ornalastyrdy, sondai-aq $201 mln eýroobligatsiialar shyǵarylymyn ekinshi ret ornalastyrdy.
Investitsiialyq portfeldiń aitarlyqtai ósýin eskere otyryp, EADB onyń sapasyn tiisti deńgeide saqtai aldy. Balanstyq portfeldegi proviziialar úlesi 2019 jyly 3,2%-dan 2,4%-ǵa deiin tómendedi. 2019 jyldyń qorytyndysy boiynsha banktiń kirisi $68,9 mln qurady. Kapitaldyń tabystylyǵy – 3,8%.
Qazaqstanda investitsiialyq qyzmetti damytý úshin Qazaqstannyń Ulttyq bankimen EADB-ge 200 mlrd teńge limitimen qarjy tartýǵa múmkindik beretin kelisimge qol qoiýdyń mańyzy zor. Halyqaralyq reitingtik agenttikter EADB qarjylyq turaqtylyǵyna joǵary baǵa berdi: Standard&Poor 's banktiń reitingin VVV deiin kóterdi, Moody' s agenttigi Baa1 rastady, al Fitch agenttigi BBB+ reitingin berdi.
